Áhrifavaldurinn Sunneva Einarsdóttir er með tæplega 44 þúsund fylgjendur á Instagram. Hennar aðalsmerki er að fjalla um líkamsrækt, hollt mataræði, förðun og tísku og er hún dugleg að setja efni því tengt í „story“ á Instagram.
Sunneva býður upp á gott ráð varðandi matarinnkaup í nýrri færslu í „story“ – eitthvað sem margir geta tileinkað sér.
„Pro tip frá mér: alltaf taka innkaupin eftir æfingu. Ef þið eruð eins og ég þá er maður líklegri til að kaupa bara hollan mat eftir æfingu,“ skrifar Sunneva við mynd af vikuinnkaupunum. Meðal þess sem hún verslar fyrir vikuna er rósakál, spínat, sveppir, sæt kartafla, sódavatn og jarðarber. Oft hefur því verið fleygt fram að ekki sé gott að versla svangur og því gæti verið mikið til í þessu ráði Sunnevu.
Þá mælir áhrifavaldurinn einnig með að skoða það sem er í boði á afslætti vegna dagsetningar eða útlits til að minnka matarsóun.