Matarafgangar endast yfirleitt í fjóra daga í ísskáp ef þeim er pakkað rétt inn strax. Það sem mestu máli skiptir er að bakteríur í mat þurfa loft til að anda og fjölga sér, og þess vegna er mikilvægt að pakka afgöngum inn í loftþétt ílát.

Margir grípa á það ráð að pakka afgöngum inn í álpappír, en samkvæmt grein á vefsíðunni Taste of Home, eru það stór mistök. Ástæðan er einfaldlega sú að álpappír nær ekki að loka afgöngum það vel og því getur loft náð að finna sér leið inn að matnum.

„Þegar loft er í umbúðunum ná bakteríur að fjölga sér hraðar þannig að best er að fá sér góð ílát og pakka afgöngum inn rétt,“ segir næringarfræðingurinn Lindsay Malone. „Annars endist maturinn ekki.“

Gyllta regla Lindsay til að pakka matarafgöngum er að setja þá í grunnt, lofttæmt ílát til að flýta fyrir kælingarferlinu og tryggja að engar bakteríur komist í matinn. Þá mælir hún einnig með að leyfa mat ekki að sitja lengur en tvo tíma við stofuhita áður en gengið er frá honum.

„Ef þú átt fullt af mat afgangs er sniðugast að setja hluta af honum í ílát í ísskápinn og hluta í gott lofttæmt ílát og inn í frysti.“