Stórleikkonan Julia Roberts var tilnefnd til Golden Globe-verðlauna, sem veitt voru í nótt, fyrir leik sinn í sjónvarpsseríunni Homecoming. Hún laut þó í lægra haldi fyrir Söndru Oh sem fór á kostum í seríunni Killing Eve.
Julia lét tapið ekki á sig fá og ákvað að fagna tapinu, ef svo má segja, með því að fara með eiginmanni sínum, Daniel Moder, á hinn vinsæla hamborgarastað In-N-Out.
https://www.instagram.com/p/BsUfe3bgBJX/
„Skemmtilegt kvöld með manninum mínum,“ skrifar hún við mynd af þeim hjúum á Instagram. „Til hamingju allir! Og gott (borgara) kvöld allir saman.“
Julia hefur þrisvar hlotið Golden Globe-verðlaunin, fyrir Steel Magnolias, Pretty Woman og Erin Brokovich, en fyrir hlutverk í síðastnefndu myndinni fékk hún einnig Óskarsstyttuna eftirsóttu.
