Transstúlkan Jazz Jennings, átján ára YouTube-stjarna sem berst fyrir réttindum hinsegin fólks, fór nýverið í kynleiðréttingaraðgerð. Af því tilefni ákvað móðir hennar, Jeanette, að halda fyrir hana veislu til að fagna þessum tímamótum.
Meðal þess sem var í boði í veislunni var typpakaka sem var lögð á borð á gamansaman hátt til að fagna því að brátt fengi Jazz leiðrétt kyn sitt og yrði því ekki lengur með getnaðarlim, heldur píku. Sýnt er frá veislunni í raunveruleikaþættinum I Am Jazz sem sýndur er á stöðinni TLC. Í þættinum útskýrir Jeanette að kakan og veislan hafi átt að hressa Jazz við og hughreysta hana.
https://www.instagram.com/p/Bs2A9rsACV_/
„Mig langaði að halda veisluna því mig langaði að gera það skemmtilegt að Jazz væri að fara í aðgerð. Þetta er ekki gaman, það er ekkert skemmtilegt við þetta, en hlátur er besta lyfið. Jazz er að fara í aðgerð og við skulum ekki fríka út heldur segja bless við gamla getnaðarliminn hennar,“ segir móðirin, sem styður dóttur sína í einu og öllu.
„Þessi skrýtna og fyndna hugmynd er svöl,“ bætir Jazz við um veisluna. „Ég elska að láta föður minn líða óþægilega og ef þetta typpapartí gerir það þá skulum við halda typpapartí.“
https://www.instagram.com/p/BmyQfopHDB9/
Þegar að allir gestir voru mættir í veisluna hélt Jazz hjartnæma ræðu.
„Mig langar bara að þakka öllum fyrir að koma í þetta kveðjupartí fyrir typpið. Ég hef lifað með þessum líkamsparti sem ég vildi ekki í sautján og hálft ár. Og þó ég hafi lært að elska typpið mitt þá er ég glöð að kveðja það. Þannig að; skerum það af.“
https://www.youtube.com/watch?v=AzUVOo2wAqg