Það var mikill titringur meðal matgæðinga og sælkera í lok október á síðasta ári þegar að fyrirtækið Nabisco tilkynnti að nýtt Oreo-kex, Most Stuf, kæmi á markað snemma á þessu ári. Um er að ræða stærsta kex í sögu Oreo, enda hefur aldrei verið svo mikið krem á milli tveggja Oreo-kexa fyrr.
Nú er Most Stuf komið á markað vestan hafs, en um er að ræða takmarkað magn af þessu magnaða kexi.
Í hefðbundnu Oreo-kexi eru 53 hitaeiningar en í einu Most Stuf-kexi eru hvorki meira né minna en 110 hitaeiningar. Þannig að kexið passar líklegast ekki inn í plön margra um nýjan lífsstíl á nýju ári.
Eins og er fæst kexið aðeins í Bandaríkjunum og þar sem um takmarkað magn er að ræða er líklegast útrætt um að það komi á markað á Íslandi líka.