Sá tískustraumur í brúðarvöndum sem talinn er verða hvað heitastur á þessu ári er ansi hreint áhugaverður, en einnig frekar smart.

Sérfræðingar og fagurkerar halda því staðfastlega fram að á þessu ári verði kandífloss brúðarvendir það heitasta í brúðkaupum út um heim allan.

Það hefur sína kosti að ganga upp að altarinu með kandífloss vönd, þar sem hann er svo sannarlega ódýrari en hefðbundur blómvöndur. Einnig verða brúðhjón oft svöng á brúðkaupsdaginn þar sem lítill tími gefst til að borða. Þá er tilvalið að bíta í sykurhnoðrann og fá smá orku.

Hins vegar þyrfti maður að passa sig að klína sykurgumsinu ekki í föt sín eða annarra. En eins og myndirnar sýna kemur þessi tíska afar vel út, þó hún verði örugglega ekki langlíf.