Það spunnust afar áhugaverðar, og frekar fyndnar, umræður á Facebook-hópnum Matartips vegna spurningar sem kona setti þar inn.
„Hæ, ég keypti óvart pizza ost. Má ég nota hann í fiskrétt? Nenni ekki út aftur,“ skrifar konan. Margir benda henni á að það sé hægt að nota pizza ost á hvað sem er, enda bara um hefðbundinn, rifinn ost að ræða. Aðrir sjá sig knúna til að bregða á leik.
„Nei, bara á pizzu,“ skrifar sá sem ríður á vaðið í gríninu og uppsker 126 læk.
„Stendur skýrt og greinilega í matvælalögum,“ skrifar annar og nokkrir spinna út frá þeim pælingum. „Matvælaeftirlit stendur nú í yfirheyrslum vegna rangrar ostanotkunar,“ bætir einn við. „Það er alveg stranglega bannað samkvæmt pizza lögum nr. 67!“
Og enn heldur grínið áfram.
„Ef notaður er pizza ostur í annað en pizzu má taka málið fyrir hæstarétt undir málgrein 218.“
Þetta grín er líka hresst:
„Alls ekki. Það eru ensím í fiskinum sem gera ostinn eitraðan!“
Einn bendir á að hægt sé að nota hvaða ost sem er hvort sem er í fiskrétt eða pizzu. Þá ákveður einn að bregða á leik með þessu svari:
„Nema forhúðaost #égrataút.“
Þessi matgæðingur kemur einnig með áhugaverða kenning:
„Nei, notar bara pizza ost á allt sem byrjar á P. Papriku, pepperoni osfrv.“