Pítsastaðurinn Blackbox blés til mikils teitis til að fagna opnun staðarins í Mosfellsbæ, í húsnæðinu sem hýsti áður Hvíta riddarann. Er þetta annar Blackbox-staðurinn sem opnar á landinu en sá fyrri er í Borgartúni.
Eins og sést á meðfylgandi myndum sem ljósmyndarinn Mummi Lú tók var mikil gleði þegar að gestum var boðið í sérstaka foropnun á pítsastaðnum þar sem hægt var að láta ofan í sig ótakmarkað magn af flatbökum.
Eigendur Blackbox eru Karl Viggó Vigfússon, Jón Gunnar Geirdal, Jóhannes Stefánsson og fjölskylda í Múlakaffi og Jóhannes Ásbjörnsson.
