Hér eru frábærar hugmyndir til að nota ísmolaformið í eitthvað meira en bara til að búa til… vatnsísmola.
Þessi hugmynd kemur kannski síst á óvart en er engu að síður algjör snilld! Oft er maður búin að gleyma hvað sé í frystinum og nær sér bara í ísmolana af gömlum vana. Ef hinsvegar litlir bitar af appelsínu, ferskri myntu eða beri er sett í formið um leið og það er svo fyllt af vatni til að búa til ísmola er þetta allt til staðar næst þegar frystirinn er opnaður!
Vissulega er hægt að frysta kryddjurtirnar bara í poka en að setja akkúrat passlegt magn í ísmolaform og fylla svo uppí með olíu er algjört eldhústöfrabragð! Þá kemur engin frostskemmd á kryddið og þegar þú skellir olíuteningnum útí matinn rétt áður en þú berð hann fram kemur bragð af bæði kryddi og olíu og gæðir réttinn þessu rétta lokabragði sem fær allt að bragðast svo vel.
Sniðug leið til að geyma afganga OG jafnframt eiga „smávegis af“ innihaldsefni í frystinum tilbúið til notkunar. Oft er ekki langur geymslutími á t.d. dós af pestó sem búið er að opna, eða ef ekki allt innihaldið úr dósatómötum var notað. Þá er tilvalið að smella því í ísmolaform og eiga þartil næst! Gæti jafnvel verið ljómandi flott í súpudiskinn í næsta matarboði.
Þetta er líka svo tilvalið þegar manni langar í örlitin bita af súkkulaði. Dökkt súkkulaði er brætt, hálffyllt ísmolaform og möndlum, beri eða jafnvel smá múslí dreift sett ofan í. Fryst og um klukkustund síðar áttu fullkomin mola með kvöldkaffinu!
