Ketó-mataræði er gríðarlega vinsælt um þessar mundir en því fylgja einhverjar aukaverkanir. Eins og ketó-flensa, andremma og höfuðverkir. Einnig upplifa sumar konur eitthvað sem er kallað ketó-klof.
Í rauninni er ketó-mataræði frábært fyrir þyngdartap en því fylgja margar mjög óþægilegar aukaverkanir. Enn annar fylgikvillinn er hægðatregða.
Sjá einnig: Ketó-klof er eitthvað sem þú verður að lesa um
Af hverju næ ég ekki að kúka á ketó?
Ketó-hægðatregða er sársaukafull og óþægileg, en því miður hluti af lífsstílnum fyrir marga ketóliða. Ef þú ert á ketó og nærð ekki að kúka þá er þetta líklegast ástæðan.
„Þegar þú breytir mataræðinu þínu á róttækan hátt, eins og með ketó, þá mun það hafa áhrif á meltinguna,“ segir Barbie Boules, RD, hjá Longevity Nutrition við Women’s Health Magazine.
„Vegna þess að ketó-mataræði er svo ólíkt því sem fólk borðar venjulega, þá getur það orsakað loft, þembu, hægðartregðu og/eða niðurgang.“
Barbie segir að niðurgangur sé algengari en hægðatregða hjá fólki á ketó. En því meira magn af próteini sem fólk borðar, því líklegra er það til að fá hægðatregðu. Skortur á trefjum í ketó-mataræði spilar þar einnig stórt hlutverk.
Er þetta vandamál bara fyrir ketóliða?
Nei, þetta á við um flest lágkolvetnamataræði. Vandamálið er að matur sem er trefjaríkur eins og ávextir, heilkorn og baunir, er einnig kolvetnaríkur.
Hvað get ég gert?
Ketó-mataræði virkar vel fyrir marga en alls ekki alla. En ef þú ert harðákveðinn í að láta ketó ganga upp þá hefurðu nokkra möguleika.
„Borðaðu allt það grænmeti sem þú getur – eða allavega eins mikið og þú mátt. Eins og grænkál, aspas og sveppi. Drekktu nóg af vatni og hreyfðu þig. Þú getur einnig prófað að bæta við psyllium husk bætiefni í vatnið þitt, um eina til tvær matskeiðar blandað í vatn á hverjum degi,“ segir Barbie Boules.