Hvítlaukspressur er að finna á mörgum heimilum. Oft er kveðið á um maukaðan eða smátt saxaðan hvítlauk í uppskriftum og þá kemur hvítlaukspressan sterk inn.

Hins vegar finnst mörgum afskaplega leiðinlegt að taka hýðið af hvítlauk, enda getur það oft tekið óþarflega margar sekúndur, svo ekki sé minnst á hvítlaukslyktina sem kemur af fingrunum.

Það er því okkar skylda að upplýsa að ef hvítlaukur er að fara rakleiðis í hvítlaukspressuna þá þarf alls ekki að taka hýðið af. Stöðluð hvítlaukspressa þrýstir svo duglega á hvítlaukinn að hún ýtir hvítlauksmaukinu úr hýðinu.

Snilldarráð sem þú þarft að leggja á minnið.