fbpx
Laugardagur 20.apríl 2019
Matur

Ógnvænleg þróun: Við borðum alltof mikið af skyndibita og það getur stytt lífið okkar

Lilja Katrín Gunnarsdóttir
Þriðjudaginn 12. febrúar 2019 10:00

Unninn matur er ekki hollur.

Ekki missa af Helstu tíðindum dagsins í pósthólfið þitt

Lesa nánar

Neysla unnins matar, svo sem hamborgara, pítsu, kex og bakkelsis getur stytt líf þitt umtalsvert samkvæmt nýrri rannsókn, sem birt var nýverið í JAMA Internal Medicine.

Tæplega 45 þúsund heilbrigðir einstaklingar á aldrinum 45 til 64 ára tóku þátt í rannsókninni sem framkvæmd var í Frakklandi. Meðalaldur þátttakenda var 57 ára og héldu þeir matardagbók þar sem þeir skráðu allt sem þeir borðuðu yfir daginn. Þetta gerði vísindamönnum kleift að kanna hvaða áhrif neysla rúmlega þrjú þúsund mismunandi matvæla hefur á líkamann. Matvælunum var skipt í fjóra flokka, eftir því hve unnin matvælin voru.

Í stuttu máli sýna niðurstöður rannsóknarinnar að dauðsföll af völdum hjartasjúkdóma, krabbameins og annarra sjúkdóma eru tengd við neyslu á mjög unnum mat, til dæmis gosdrykkja, tilbúinna máltíða, franskra kartaflna og hvíts brauðs.

Neysla aukist mikið

Aðrar rannsóknir hafa sýnt að mataræði sem er ríkt af fitu en trefjalítið geti valdið háum blóðþrýstingi og krabbameini. Þessi rannsókn er hins vegar sú fyrsta sem finnur tengingu á milli neyslu á unnum mat og áhættu á andláti.

„Mjög unninn matur inniheldur mörg hráefni. Næringarfræðileg einkenni hráefnanna geta að hluta útskýrt þróun krónískra sjúkdóma, sem ekki smitast á milli manna, meðal þeirra sem neyta hráefnanna,“ segir Dr. Laure Schnabel, meðhöfundur skýrslunnar, hjá Paris-Sorbonne-háskólanum í samtali við Daily Mail.

Unninn matur inniheldur meiri fitu, mettaða fitu og viðbættan sykur en annar matur, en einnig umdeild efni eins og natríum nítrít og títan oxíð. Þá er talið að sætuefni, sem finnast í ýmsum matvælu, hafi áhrif á þarmaflóruna og auki þar með hættu á sykursýki 2 og öðrum efnaskiptasjúkdómum sem valda ótímabærum dauðsföllum.

Rannsókn frá því í fyrra sýndi að helmingur matar sem seldur er í Bretlandi er unninn, samanber 46 prósent í Þýskalandi, 45 prósent í Írlandi og 14 prósent í Frakklandi.

„Neysla á mjög unnum mat hefur aukist mikið síðustu áratugina og gæti þýtt aukna tíðni á dauðsföllum úr sjúkdómum sem ekki eru smitandi,“ segir Dr. Laure.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Matur
Fyrir 3 dögum

Móðir bendir á agalega mikið magn sykurs í páskaeggjum: „Fjandinn hafi það!“

Móðir bendir á agalega mikið magn sykurs í páskaeggjum: „Fjandinn hafi það!“
Matur
Fyrir 3 dögum

9 matvörur sem þú vissir ekki að hægt væri að frysta

9 matvörur sem þú vissir ekki að hægt væri að frysta
Matur
Fyrir 4 dögum

13 verstu kvöldbitarnir: Ekki borða þetta fyrir svefninn

13 verstu kvöldbitarnir: Ekki borða þetta fyrir svefninn
Matur
Fyrir 4 dögum

Langvinsælustu uppskriftirnar í einum pakka – Kjúklingur og ketó í aðalhlutverki

Langvinsælustu uppskriftirnar í einum pakka – Kjúklingur og ketó í aðalhlutverki
Matur
Fyrir 5 dögum

Bjórvöfflur með viskírjóma og pekanhnetum – Þið verðið að skoða þessa uppskrift

Bjórvöfflur með viskírjóma og pekanhnetum – Þið verðið að skoða þessa uppskrift
Matur
Fyrir 5 dögum

Ævar gekk fram af vinum sínum: „Nú ertu að tapa glórunni“ – Sjáið morgunmatinn sem gerði allt vitlaust

Ævar gekk fram af vinum sínum: „Nú ertu að tapa glórunni“ – Sjáið morgunmatinn sem gerði allt vitlaust
Matur
Fyrir 1 viku

Þú gleymir pottþétt að gera þetta í hvert sinn sem þú kaupir vatnsmelónu

Þú gleymir pottþétt að gera þetta í hvert sinn sem þú kaupir vatnsmelónu
Matur
Fyrir 1 viku

Þetta eru ávextirnir sem innihalda fæst kolvetni

Þetta eru ávextirnir sem innihalda fæst kolvetni