Fyrrverandi klámstjarnan Jenna Jameson hefur farið mikinn á Instagram síðustu mánuði eftir að hún byrjaði á ketó mataræðinu svokallaða.
Jenna hefur verið ketó síðan snemma á síðasta ári og ákvað að breyta um lífsstíl í kjölfar þess að hún bætti mikið á sig þegar hún gekk með dóttur sína Batel, sem kom í heiminn í apríl árið 2017. Í nýrri færslu á Instagram ljóstrar hún upp leyndarmáli.
https://www.instagram.com/p/BtmN0ZOBMEC/
„Tölum um Photoshop. Það er skítugt, lítið leyndarmál. Ég var alltaf fótósjoppandi hér áður fyrir. Ég skammaðist mín fyrir líkama minn eftir fæðingu. Oj. Núna skammast ég mín fyrir að hafa skammast mín,“ segir Jenna og heldur áfram.
„Ég er leið yfir því að þjóðfélagið setur óraunsæ markmið fyrir konur um að ná sér eftir barnsburð. Ég vildi að ég hefði skilið að það yrði ekki gert grín að mér fyrir að vera níutíu kíló, en í hreinskilni sagt held ég að ég hefði samt notað fótósjopp.“
Jenna er nú hætt að laga myndirnar sínar til með myndvinnsluforritinu, en hún hefur misst tugi kílóa á ketó.
„Ég vona að við komumst á þann stað að konum líði vel á hverju æviskeiði. Fallegu og stuðningsríku athugasemdirnar ykkar lyfta þessu samfélagi upp á hærra plan. Það er tekið eftir ástinni ykkar,“ skrifar stjarnan.
https://www.instagram.com/p/BtrUrqRBkx0/