Sjónvarpsmaðurinn Al Roker vandar stjörnutálgaranum Jillian Michaels ekki kveðjurnar eftir að sú síðarnefnda talaði vel og lengi um það í myndbandi á vef Women’s Health hvað ketó-mataræðið væri afleitt og í raun hættulegt.

„Ég skil þetta ekki. Af hverju ætti einhverjum að finnast þetta vera góð hugmynd?“ segir Jillian meðal annars í myndbandinu. Al fann sig knúinn til að svara Jillian á Twitter, en Al borðar eftir ketó-mataræðinu og líður vel.

„Jillian Michaels sagði að ketó væri slæm hugmynd. Þetta kemur frá konu sem stuðlaði að einelti, matarskorti og ráðskaðist með fólk vikulega í sjónvarpinu í nafni þyngdartaps. Það hljóma svo sannarlega eins og slæmar hugmyndir,“ tístir Al, og vísar í hlutverk Jillian í raunveruleikaþáttunum Biggest Loser.

So @JillianMichaels says #Keto is a bad idea. This from a woman who promoted on camera bullying , deprivation, manipulation and more weekly in the name of weight loss. Now those sound like bad ideas

— Al Roker (@alroker) January 10, 2019

Þá mætti sjónvarpsmaðurinn einnig í þáttinn Today í gær þar sem hann sagðist hafa verið ketó síðan 1. september og fundið fyrir góðum áhrif mataræðisins, þá helst að kólesterólið og blóðþrýstingurinn hafi komist í eðlilegt horf.

„Það sem ég vil segja er að það sem virkar fyrir þig, virkar fyrir þig,“ sagði hann og bætti við að Jillian hafi svarað tísti hans í töluvpósti en hann vildi ekki lesa það upp í beinni útsendingu.

.@alroker explains why the #keto diet works for him, „What works for you, works for you. There’s science on both sides.“ pic.twitter.com/d05pSjIKLE

— TODAY (@TODAYshow) January 11, 2019