Nú eru einhverjir farnir að skipuleggja teiti á gamlárs og þá er um að gera að búa til hlaupskot með kampavíni. Gerist ekki partívænna!
Hráefni:
300 ml heitt vatn
55 g sykur
500 ml kampavín eða freyðivín
4 matarlímsblöð
150 g hindber (eða ber/ávöxtur að eigin vali)
Aðferð:
Setjið vatn og sykur í lítinn pott og hitið yfir lágum eða meðalhita. Hrærið til að leysa upp sykurinn og hækkið síðan hitann. Náið upp suðu, lækkið hitann og látið malla í fimm mínútur. Takið pottinn af hellunni. Hellið kampavíninu í stóra skál sem þolir hita og bætið matarlími út í. Setjið til hliðar í um fimm mínútur, eða þar til blöðin eru mjúk. Takið blöðin úr víninu og kreistið eins mikið af vökva úr og hægt er. Bætið blöðunum síðan í sykursírópið og þeytið vel þar til matarlímið hefur leysts upp. Hellið sírópinu síðan í skálina með kampavíninu og hrærið. Leyfið þessu að kólna við stofuhita og setjið síðan inn í ísskáp í um klukkustund. Hrærið hindberjum saman við um leið og hlaupið byrjar að þykkna. Deilið hlaupinu í sex glös, eða fleiri minni glös, og hyljið glösin með plastfilmu. Geymið í ísskáp í fjóra til sex tíma og berið svo fram.
