Það er fátt leiðinlegra en að sulla rauðvíni í hvít föt, en oft virðist það vera þannig að hvít föt sogi að sér rauðvínsbletti.
Á vef Daily Mail er hins vegar sagt frá húsráði úr smiðju ástralskra mæðra sem er vægast sagt húsráð ársins. Húsráðið felst í því að leggja hvít föt með rauðvínsblettum í bleyti í mjólk. Þegar að rauðvínsblettirnir eru síðan horfnir er flíkin sett í þvottavél og þvegin til að losna við mjólkurlyktina. Er það fullyrt í greininni að þetta húsráð svínvirki, en best er að vera með fitumikla mjólk þar sem að fitan dragi rauðvínið í sig.
Hins vegar á eingöngu að nota þetta húsráð þegar um föt, eða eitthvað sem hægt er að setja í þvottavél, ræðir. Ef þessi aðferð er notuð á til dæmis teppi á gólfum er hætta við að mjólkin mygli og framkalli afar fúlan fnyk.