Veitingastaðakeðjan Subway kynnti nýtt brauð til sögunnar vestan hafs í vikunni sem hefur vakið gríðarlega lukku ef marka má netverja.

Brauðið heitir einfaldlega Ultimate Cheesy Garlic Bread, eða Ostafylltasta hvítlauksbrauð í heimi. Nafnið segir sig sjálft, en um er að ræða brauð með rjómalöguðu hvítlaukssmjöri, steiktum hvítlauk og bræddum parmesan og mozzarella.

Þetta brauð, sem hljómar vægast sagt vel, er í boði sem grunnur fyrir hvaða samloku, eða kafbát, sem er á matseðli Subway. Hins vegar verður það aðeins í boði þar til 27. febrúar á næsta ári og því ólíklegt að það nái alla leið til Íslands. En við getum allavega látið okkur dreyma.