Síðan kjóllinn sem var annað hvort blár eða gylltur klauf internetið hafa vaknað upp ýmsar spurningar um hitt og þetta sem hafa tröllriðið internetinu.
Við á matarvefnum höfum alltaf staðið í þeirri trú að Oreo-kexkökur væru svartar en höfum tekið eftir miklum umræðum á internetinu um þetta. Sumir nefnilega halda því fram að Oreo-kex sé brúnt, aðrir eru sammála okkur um að það sé svart.
Þannig að auðvitað leituðum við svara á heimasíðu Mondelez, fyrirtækisins sem framleiðir Oreo. Við þessu hlyti að finnast svar þar. En, nei. Mondelez neitar að taka afstöðu í þessu þrætumáli og vill ekki upplýsa hvernig Oreo-kexið er á litinn.
„Við höfum ekki gefið út hvernig kexhlutinn af Oreo er á litinn. Sumir halda að Oreo sé brúnt á meðan aðrir telja það nær svörtu,“ stendur á heimasíðunni.
