Það er svo gaman að gæða sér á heimabökuðu brauði, en það vex mörgum í augum að baka sitt brauð sjálfir. Þetta brauð er mjög einfalt og ekki skemmir fyrir að það er einstaklega bragðgott.
Hráefni:
3 bollar hveiti
1 1/2 bolli volgt vatn
1 1/2 tsk. þurrger
3 msk. púðursykur
1/2 tsk. salt
2/3 bolli rúsínur
2 tsk. kanill
Aðferð:
Setjið vatn, ger og salt í stóra skál. Hrærið og leyfið þessu að bíða í fimm mínútur, eða þar til blandan byrjar að freyða. Bætið sykri, rúsínum, kanil og hveiti saman við. Blandið saman og hnoðið síðan þar til deigið er orðið mjúkt og flott. Ef deigið er of blautt bætið þið við smá hveiti. Smyrjið skálina með olíu og látið deigið hefast þar í eina klukkustund með viskastykki yfir skálinni. Hitið ofninn í 230°C. Setjið deigið á ofnplötu sem búið er að klæða með smjörpappír. Reynið að eiga eins lítið við deigið og hægt er. Dustið smá hveiti á toppinn og setjið brauðið inn í ofn. Bakið í 30 til 40 mínútur. Leyfið brauðinu að kólna í 10 mínútur áður en það er skorið.
