Samfélagsmiðlastjarnan Birgitta Líf Björnsdóttir, dóttir eigenda World Class, þeirra Björns Leifssonar og Hafdísar Jónsdóttur, er fyrirmynd margra. Hún æfir sex daga vikunnar og segir í svörum við spurningum á sögu sinni á Instagram að hún borði hollan mat nánast alltaf.
https://www.instagram.com/p/BpHp0zql83y/
„Ég fer ekki eftir ákveðnu plani en reyni að borða hollan og næringarríkan mat 90% af tímanum. Ég finn mikinn mun á orku yfir daginn og árangri/styrkleika á æfingum þegar ég borða vel og það spilar því saman hversu dugleg ég er að æfa og hversu vel ég er að borða,“ segir hún. Birgitta svindlar þó stundum í mataræðinu, sérstaklega þegar mikið stendur til.
„Ég leyfi mér alveg pizzu, ís o.s.frv ef mig langar í en reyni að halda því bara um helgar nema eitthvað sérstakt standi til.“
Hún segir sitt markmið með líkamsrækt vera einfaldlega að huga vel að heilsunni – það sé það sem skipti máli.
„Að líða vel og hafa góða heilsu bæði andlega og líkamlega er líklega það mikilvægasta sem við höfum og getum unnið í alla ævi.“
Þegar einn fylgjandi spyr hana hvar hún sjái sig eftir fimm ár stendur ekki á svörunum hjá samfélagsmiðlastjörnunni.
„Ég er á allt öðrum stað í dag en ég hefði haldið fyrir 5 árum svo það er erfitt að sjá fyrir sér hvar maður verður eftir næstu 5 ár. Ég mun halda áfram að grípa tækifærin og trúi því að ég verði að gera hluti sem ég elska og verði hraust, heilbrigð og hamingjusöm.“
https://www.instagram.com/p/BoY9b8eCQt6/
Birgitta keypti fyrr á árinu sína fyrstu íbúð, 104 fermetra íbúð á 3. hæð í Vatnsstíg 20–22 í Skuggahverfinu. Hún segir lífið leika við sig í íbúðinni þegar hún er spurð hvernig lífið í Skuggahverfinu sé.
Sjá einnig: Birgitta Líf staðgreiddi sína fyrstu íbúð í einu dýrasta húsi landsins.
„Yyyyndislegt! Mér líður svo ótrúlega vel hérna, elska heimilið mitt og hvernig ég er búin að koma mér fyrir og allt hér í kring í hverfinu. Að vakna með sjávarútsýnið á hverjum morgni er alveg magnað og virkilega gott fyrir sálina.“
https://www.instagram.com/p/Bm1BXzVlyhO/