Smjör er líklegast til á flestum heimilum í einhverju formi, en fátt er verra en að smyrja sér dýrindissamloku og smjörið er hart. Það getur gjörsamlega eyðilagt morguninn.
Margir hafa staðið í þeim misskilningi að smjör verði að vera geymt í ísskáp þar sem það er mjólkurvara en það er einfaldlega ekki rétt. Smjör er í raun eina mjólkurvaran sem má standa við stofuhita í allt að viku áður en það skemmist.
Sannleikurinn um smjörið er sá að smjör er ólíklegra til að draga að sér óæskilegar bakteríur en aðrar mjólkurvörur. Smjör er um það bil 80 prósent fita og þar af leiðandi er vatnsmagn í smjöri lægra en í öðrum mjólkurvörum. Þess vegna snerta bakteríur síður við smjöri. Við það bætist að smjör er vanalega búið til úr gerilsneyddri mjólk sem er sem þyrnir í augum bakteríuflórunnar. Saltið hjálpar líka til og því er ráð að geyma ósaltað smjör ekki svona lengi á eldhúsborðinu.
Að sjálfsögðu er ekki mælt með því að smjörinu sé bara skellt á eldúsborðið í einhverja daga án varna, heldur geymt í góðu íláti, jafnvel lofttæmdu. Best er að leyfa sólarljósinu ekki að skína beint á smjörið. Einnig er þjóðráð að geyma bara smá bút af smjörinu í einu á eldhúsborði svo ekkert fari til spillis eftir vikuna.