Það er endalaust til af eldhústólum og -græjum og er úrvalið misviturlegt. Við erum hins vegar búin að finna frábært eldhústól sem hentar vel fyrir stórar fjölskyldur með mismunandi smekk.
Um er að ræða svokallað lasagna form með þremur hólfum, þannig að hægt er að útbúa þrjú mismunandi lasagna í einu. Að sjálfsögðu er hægt að láta hugann reika og útbúa ýmislegt annað í forminu til að allir verði glaðir á heimilinu.
Svo ekki sé talað um tímasparnaðinn, en það er einstaklega tímafrekt að hlusta á óskir allra á heimilinu og útbúa mismunandi rétti eftir smekk. Það vandamál er hér með úr sögunni.
Hægt er að kaupa formið til dæmis á Amazon og er verðinu stillt í hóf, en formið kostar á milli 15 og 17 dollara, eða um 2000 krónur.