Tímaritið PEOPLE stendur nú fyrir keppni um kynþokkafyllsta, núlifandi kokkinn árið 2018. Sigurvegarinn verður opinberaður á sjónvarpsstöðinni Food Network þann 1. nóvember næstkomandi, en hér eru þeir tíu kokkar sem keppa um titilinn.
Þessi kokkur hlaut tvenn James Beard-verðlaun í ár sem besti kokkur á veitingastaðnum Salare og fyrir besta, nýja veitingastaðinn JuneBaby. Er hann tók við verðlaununum tileinkaði hann syni sínum, Akil þau, sem er fjögurra ára. Ku snáðinn elska að elda með föður sínum og stefnir allt í að hann verði föðurbetrungur í framtíðinni.
Johnny opnaði nýverið veitingastaðinn Reverie í Washington og á einnig von á sínu fyrsta barni með eiginkonu sinni Alexis.
Jordan er eigandi filippíska staðarins Flip Sigi í New York og stjórnar sjónvarpsþættinum Late Nite Eats á Cooking Channel. Hann dreymir um Michelin-stjörnur og stefnir á að verða fyrsti filippíski kokkurinn sem hlýtur þá viðurkenningu.
Matseld Erics einkennist af bragði frá Vestur-Afríku en hann matreiðir dýrindis rétti á Pinch & Plate í Washington. Eric ólst upp í Ghana en fluttist ungur til Bandaríkjanna með foreldrum sínum og lifir fyrir að kynna Bandaríkjamenn fyrir þeim mat sem hann ólst upp við að borða.
Deuki er frægur fyrir stökka, kóreska kjúklinginn sem hann eldar og starfar nú sem kokkur á veitingastaðnum Sunday at the Museum í asíska listasafninu í San Francisco. Þá hefur hann einnig gefið út matreiðslubókina Koreatown.
Andrew er yfirkokkur á veitingastaðnum BeetleCat í Atlanta og hlaut verðlaun fyrir bestu humarrúlluna hjá tímaritinu Down East.
Aðdáendur raunveruleikaþáttanna Top Chef muna eflaust eftir Louis en hann komst alla leið í úrslit í seríu ellefu. Í dag vinnur hann að því að opna veitingastaðinn Amara í San Francisco.
Tímaritið Food & Wine segir Kevin vera í hópi bestu, nýju kokkana í ár, en hann opnar bráðum veitingastaðinn Emilie sem heitir í höfuðið á unnustu hans, Emily. Þá á hann einnig veitingastaðinn Himitsu í Washington og stofnaði góðgerðarsamtökin Kevin’s Kitchen sem hjálpar fólki í matarbransanum í neyð.
Thiago býr til stórkostleg listaverk úr mat og vinnur sem ráðgjafi á Catch NYC í New York. Hann fæddist í Brasilíu og getur gert ótrúlegustu hluti með súkkulaði.
Ryan á staðinn Assaggio í Branford, Connecticut og vakti mikla athygli árið 2015 þegar fréttamaður í Connecticut missti gaffalinn úr hendinni þegar hann heyrði að kokkurinn væri á lausu. Nú hafa aðstæður hjá kokkinum breyst og hann er kvæntur.