Leikkonan Ellie Kemper heimsótti eldhús tímaritsins Bon Appétit fyrir stuttu og fékk kennslu frá kokkinum Cörlu Music um hvernig á að búa til franskar pönnukökur með appelsínusósu.

Ellie er hvað þekktust fyrir að leika aðalhlutverkið í þáttaröðinni Unbreakable Kimmy Schmidt og fyrir túlkun sína á móttökudömunni Erin Hannon í bandarísku útgáfunni af The Office. Hún er lunkin gamanleikkona, en eins og sést í meðfylgjandi myndbandi er hún ekki sú besta í eldhúsinu.

Hún gefur sjálfri sér 2 í einkunn í eldhúsfærni og hefur greinilega mikinn húmor fyrir sér sjálfri. Þetta myndband er samt ekki aðeins fyrir þá sem vilja hlæja, heldur er það einnig prýðisgóð sýnikennsla í pönnukökugerð.