Það er ekkert lát á gríðarlegum vinsældum Trendports, en um er að ræða nýjan og glæsilegan fatamarkað í formi básaleigu. Þann 2. maí síðastliðinn opnuðu þær Þórunn Elva Þorsgeirsdóttir og Ásta María Gunnarsdóttir Trendport og verður fatamarkaðurinn því tveggja mánaða núna í júlí.

Ætla aldrei að versla annars staðar

Trendport fatamarkaðurinn hefur gengið gríðarlegavel. „Þetta fór alveg langt fram úr okkar björtustu vonum og kom okkur ótrúlega á óvart í fyrstu hversu vinsælt þetta hefur verið. Eftir að hafa staðið vaktina í tæpa tvo mánuði núna erum við ekkert hissa á því lengur þegar maður sér hversu ótrúlega meðvitaðir Íslendingar eru orðnir yfir umhverfismálum, sóun og endurnýtingu. Það er því mjög gaman að taka þátt í þessu ferli með þeim og að endurnýta hluti og fatnað sem er lítið sem ekkert eða alveg ónotaðaður og sporna við fatasóun í leiðinni. Við vonum svo sannarlega að þetta sé komið til að vera, en sumir ganga svo langt að segjast ætla aldrei að versla annars staðar aftur því hér sé allt að finna á einum stað,“ segir Þórunn.

Það hefur verið stöðugur straumur um verslunina síðan hún opnaði í maí síðastliðinn. „Við héldum fyrst að góða veðrið og sumarið myndi koma í veg fyrir að fólk nennti að kíkja inn í búð til okkar, en það virðist engu skipta því hér er alltaf nóg af fólki og mikið rennirí í öllum veðrum. Við erum ekkert smá ánægðar með það. Enda er nóg til af sumarfötum innan um allt hitt.“

En hvers vegna er Trendport svona vinsælt?

„Það sem heillaði okkur var hugmyndin um að endurnýta. Það er nóg til af fatabúðum með ný föt. Og með aukinni verslun landans við netverslanir erlendis, þar sem fólk kaupir föt sem það getur ekki mátað og þarf í raun að giska á stærðirnar, þá stuðlar það að enn frekari fatasóun en hefur verið undanfarið. Hjá okkur er allavega hægt að koma þessum fötum áfram til eiganda sem getur notað flíkurnar og fá smá pening fyrir í leiðinni. Hér er hægt að selja af sér það sem maður notar ekki en týmir ekki endilega að henda eða gefa.“

Góðgerðabásinn

Ef seljandi vill ekki sækja þær flíkur sem seldust ekki á meðan básaleigu stóð, þá er hægt að gefa fötin áfram á góðgerðarbásinn hjá Trendporti, en þar er allt selt á 500 krónur. „Allur ágóði af honum fer til einhvers málefnis sem við veljum hvern mánuð. Í síðasta mánuði söfnuðust 196.000 kr. fyrir Fanneyju Eiríksdóttur og fjölskyldu. Þennan mánuð erum við að styrkja Bjarka Sigvaldsson og fjölskyldu, en hann greindist með ristilkrabbamein fyrir um 7 árum síðan.“

En hvernig virkar þetta?

Trendport er eins einfalt og hugsast getur fyrir bæði viðskiptavini og þá sem vilja selja notaðar flíkur. „Þú leigir hjá okkur bás í eina til fjórar vikur og það skemmtilega er að þú þarft ekki að standa vaktina sjálfur eins og hefur þekkst áður á Íslandi. Þú leigir hjá okkur bás, skráir fötin sem þú vilt selja inn á innri vefinn okkar ásamt því að ákveða verðin þín sjálf/ur. Eftir það færðu afhent strikamerki sem þú festir við hverja flík og hengir upp á básinn hjá okkur, en innifalið í básaleigunni eru herðatré, stærðarmerkingar og þjófavarnir. Svo getur þú farið heim og fylgst með sölunni heima á innra kerfinu hjá okkur. Við stöndum í raun vaktina fyrir þig og seljum vörurnar fyrir þig og tökum 15% þóknun af heildarsölu.“
Nánari upplýsingar má finna inni á vefsíðunni.

Sumartilboð

Þess má geta að nú er sumartilboð á básum út 3. júlí. Þá er gefinn 35% afsláttur af básaleigu. Virkjaðu afsláttinn með því að bóka í gegnum þennan hlekk.

Mynd: Eyþór ÁrnasonNánari upplýsingar má finna á Trendport.ishttps://www.trendport.is/

Nýbýlavegur 6, 200 Kópavogur.

Vefpóstur: trendport@trendport.is

Sími: 571-8465

Facebook: Trendport Ísland

Instagram: Trendportisland