Nutrilenk liðbætiefnin eru Íslendingum góðkunnug og hafa hjálpað þúsundum sem þjást hafa við stirðleika, eymsli eða brak í liðum.

Liðirnir í líkama okkar gegna grundvallar hlutverki í hinum ýmsu hreyfingum sem við framkvæmum í daglegu amstri. Liðirnir leyfa beinum og brjóski að hreyfa sig og er því mikilvægt að huga vel að þeim. Nutrilenk liðbætiefnin þekkja ansi margir en þau hafa verið með mest seldu liðbætiefnum hér á landi til lengri tíma. Stöðugt fjölgar í hópi þeirra sem dásama virkni Nutrilenk og ekki úr vegi að kynna sér vörurnar.

Hlustum á líkamann okkar

Mörg okkar finna til í liðum dags daglega, ýmist vegna álags, áreynslu í kringum æfingar eða almennt í daglegu lífi. Erfitt getur reynst að kljást við eymsli sem slík sem tengjast liðunum en miklu máli skiptir þó að huga vel að líkama okkar og vellíðan. Hreyfing er m.a. mikilvæg og hefur áhrif á öll líffærakerfi líkamans. Við hreyfingu og álag á vöðvana styrkjum við beinin sem verndar liði og liðamót. Því er mikilvægt að huga að daglegri hreyfingu en fyrst og fremst er þó nauðsynlegt að hlusta á líkamann sem þarfnast jafnframt hvíldar. Eins er mikilvægt að beita líkamanum rétt og að auki getur verið gott að taka inn sérhönnuð bætiefni sem hafa jákvæð áhrif á liðina.

Kraftmikil blanda sérvalinna efna

Nutrilenk Gold er sérvalin blanda bætiefna sem hefur það að markmiði að hafa góð áhrif á liðina. Nutrilenk Gold er unnið úr sérvöldum fiskbeinum, aðallega úr hákörlum sem eru rík af virku, nýtanlegu og uppbyggilegu kondrótíni, kollageni og kalki sem er m.a. nauðsynlegt fyrir vöxt og viðhald beina. Nutrilenk Gold inniheldur að auki C vítamín sem hvetur eðlilega myndun kollagens sem er nauðsynlegt til að viðhalda brjóski ásamt D- vítamín og mangan sem stuðlar að viðhaldi eðlilegra beina og myndun bandvefja. Nutrilenk Gold er framleitt á einstakan hátt til að líkaminn nýti virku innihaldsefnin sem best.

Nutrilenk liðbætiefni

Nutrilenk línan inniheldur þrjár vörur, Nutrilenk Gold, Active og Gel en allar hafa þessar vörur það að markmiði að draga úr stirðleika og eymslum í liðum. Nutrilenk Active inniheldur hýalúronsýru og virkar sem smurning á stirða liði og er fyrst og fremst ætlað þeim sem þjást af minnkuðum liðvökva. Minnkaður liðvökvi lýsir sér oftast í stirðleika og sársauka í kringum liðamót.

Nutrilenk Gel virkar kælandi og hentar bæði á auma liði og vöðva. Nota má gelið bæði fyrir og/eða eftir hreyfingu en meðal innihaldsefna eru eucalyptus ilmkjarnaolía og engifer þykkni sem hafa verið notuð í aldanna raðir við ýmsum kvillum. Nutrilenk bætiefnin henta öllum þeim sem upplifa eymsli í liðum.