Sunna Ben hefur á síðustu árum getið sér góðs orðspors sem ljósmyndari, samfélagsmiðlaráðgjafi, plötusnælda og myndlistarkona. Þá er hún forfallinn aðdáandi kombucha frá Kombucha Iceland, en drykkurinn hjálpar henni að halda iðrabólgu í skefjum.

Sunna Ben hefur verið áberandi á listasviðinu enda hæfileikarík kona þar á ferð. Að sögn hefur hún einnig mikinn áhuga á heilsu, matarræði og hvernig hægt er að nota mat og náttúrulegar afurðir til þess að vinna gegn heilsufarsvandamálum. „Ég er menntuð sem einkaþjálfari og hef verið að sökkva mér í þessi málefni, bæði af einlægum nördaskap en líka tengt eigin ástandi. Sjálf er ég með IBS eða iðrabólgu, sem hefur valdið vægast sagt dramatískum meltingartruflunum hjá mér,“ segir Sunna.

Iðrabólga á sér stað við truflun á starfsemi ristils og smáþarma. Í stað þess að dragast reglubundið saman og flytja þannig fæðuna taktfast áfram, verða samdrættir á mismunandi stöðum ristils og smáþarma samtímis. Þessar truflanir koma oftast í kjölfar máltíða. „Við þessu ástandi mínu er svo sem ekkert við að gera nema reyna að stjórna því með matarræði. Þá er gerjaður matur eins og kombucha algjör draumur fyrir mína annars dramatísku meltingu,“ segir Sunna.

Forfallið heilsunörd

Sunna segist hafa kynnst kombucha fyrst í gegnum vinkonu, en hún hafði séð drykknum bregða fyrir hér og þar. Þá hafði hún lesið sér til um góðgerla í ýmsum heilsugreinum og álíka lesefni. „Ég vinn mikið við að skrifa um heilsu og bætiefni og það hentar mér vel að þekkja ágætlega það sem talið er heilsueflandi. En aðallega grúska ég í þessum málefnum af einlægum áhuga, því ég er forfallið heilsunörd.

Svo sá ég vinkonu mína sem vann í veitingastaðnum Gló, drekka eitthvað sjúklega girnilegt lavender kombucha sem þar fékkst og ég fékk að smakka. Eftir það var ekki aftur snúið. Þetta var vissulega ást við fyrsta smakk en ég var samt leitandi í svolitla stund að smakka mismunandi brögð frá mismunandi framleiðendum, og ég var lengi að finna bragð sem mér fannst virkilega gott. Ég keypti Kombucha Iceland fyrst vegna þess að drykkurinn er framleiddur á Íslandi og vegna þess að mér fannst flaskan svo eiguleg. Þegar ég prufaði svo krækiberja kombucha frá þeim vissi ég að ég var búin að finna mína hillu. Ég veit ekki hvað ég hef drukkið margar flöskur af því áður en ég færði mig yfir í krækengifer og svo engiferbragðið frá Kombucha Iceland. Reyndar er ég búin að drekka svo mikið af kombucha frá Kombucha Iceland að ég held að næstum öll brögðin hafi einhverntíman verið uppáhalds bragðið. Mér fannst líka jólabragðið Spicy Chai alveg ótrúlega gott og ég er búin með mjög margar flöskur af því, en ég held ég haldi mig við krækengifer og engifer fram að næstu jólum,“ segir Sunna.

Sunna segist drekka mikið kombucha að staðaldri. „Það er algert möst fyrir mig að eiga kombucha frá Kombucha Iceland í ísskápnum og ég þarf alveg að halda aftur að mér og drekka bara eitt á dag vegna þess að mér finnst það svo sjúklega gott og frískandi. En eins og áður kom fram er ég með erfiða meltingu. Ég drekk kombucha að staðaldri til þess að styðja við meltinguna og finn hvað það hefur góð áhrif á mig. Kombucha frá Kombucha Iceland er eitt það fyrsta sem ég gríp til ef ég finn að meltingin er eitthvað að stríða mér. Það kemur líka á daginn að kombucha hefur góð áhrif á mig og það hjálpar til við að róa meltinguna. Svo er þetta bara svo sjúklega frískandi og bragðgott!

Kombucha passar líka vel inn í minn lífstíl. Mér finnst best að fá mér eina flösku af ísköldu kombucha eftir kvöldmat, hvort sem ég er að vinna fram á kvöld eða slaka á yfir sjónvarpinu, það er svo gott trít á kvöldin.“

Sunna er ekki síður hrifin af fyrirtækinu en drykknum. „Mér finnst þau Ragna og Manuel alveg frábær og starfsemin engu síðri. Kombucha frá Kombucha Iceland er framleitt á Íslandi á svo vandaðan hátt úr gæðaefnum, af góðu fjölskyldufyrirtæki. Svo eru þetta alveg gríðarlega bragðgott og stútfullt af góðgerlum sem eru svo hollir. Ég bið ekki um meir enda held ég að það sé ekki hægt.“

Eftirfarandi aðilar í Reykjavík eru meðlimir í Kombucha Iceland-fjölskyldunni Krónan| Melabúðin| Fjarðarkaup| Heilsuhúsið| Matarbúðin Nándin| Brauð og co. og nú nýlega fáanlegt í Heimkaupum.

Einnig fæst Kombucha Iceland í BioBorgara| Kaffihúsi Vesturbæjar| Le Kock| Kaffi Laugalæk| Mr. Joy| Mamá| Te og Kaffi| Systrasamlaginu og á fleiri stöðum.

Einnig eru nokkrir sölustaðir úti á landi: Vistvera á Selfossi| Ljómalind í Borgarnesi| Fisk kompaní á Akureyri| Hús handanna á Egilsstöðum og Kaja Organic á Akranesi.