fbpx
Miðvikudagur 25.nóvember 2020
Kynning

Metnaður í Menningarhúsunum í Kópavogi

Kynning
Jóhanna María Einarsdóttir
Laugardaginn 7. mars 2020 16:00

Mynd frá Safnanótt. Menningarhúsin standa að fimm stórum hátíðum árlega, þ.á.m. Safnanótt.

Ekki missa af Helstu tíðindum dagsins í pósthólfið þitt

Lesa nánar

Menningarhúsin í Kópavogi eru Bókasafn Kópavogs, Gerðarsafn, Héraðsskjalasafn Kópavogs, Náttúrufræðistofa Kópavogs og Salurinn. Það má segja að Menningarhúsin í Kópavogi séu vagga menningar og lista í Kópavogi enda leggja húsin mikinn metnað í að bjóða upp á fjölbreytta dagskrá sem höfðar til allra.

 

Tíðarandinn og samfélagsleg málefni í deiglunni

„Það er mikilvægt að menningarstarf bæjarins endurspegli tíðarandann og samfélagsleg málefni hverju sinni,“ segir Soffía Karlsdóttir, forstöðumaður menningarmála í Kópavogi. „Á þessu ári leggja Menningarhúsin í Kópavogi því sérstaka rækt við lista- og menningarviðburði sem tengjast heimsmarkmiðum Sameinuðu þjóðanna og Barnasáttmálanum, sem Kópavogsbær hefur gert að forgangsverkefnum í stefnumótunarvinnu bæjarins.“

Fjölskyldustundir á laugardögum eru vikulega í Menningarhúsunum og er öllum velkomið að taka þátt gjaldfrjálst.

Sláum aldrei af gæðum

„Við heyrum að fólk er verulega ánægt með lista- og menningarstarfið okkar og leggjum áherslu á að mæta þörfum sem flestra án þess að slá af þeim gæðum og metnaði sem Menningarhúsin í Kópavogi standa fyrir. Á sama tíma vinnum við stöðugt að því að ná til þeirra sem ekki þekkja starfsemina eins mikið, þar á meðal fólks sem ekki er með íslensku sem fyrsta tungumál, með góðum árangri,“ segir Soffía.

„Ég er mjög stolt af þeirri starfsemi sem fram fer í Menningarhúsunum og það er okkur dýrmætt að geta boðið upp á reglubundna viðburði eins og Menningu á miðvikudögum, Fjölskyldustundir á laugardögum og Foreldramorgna gjaldfrjálst. Einnig leggjum við mikla rækt við yngstu kynslóð bæjarbúa í Kópavogi og bjóðum henni upp á ókeypis menningarviðburði allt árið um kring.“

 

Yfir 1.000 viðburðir árlega

„Um sextíu starfsmenn starfa við Menningarhúsin í Kópavogi en auk hefðbundinnar starfsemi standa þeir fyrir meira en þúsund viðburðum á ári sem mikill metnaður er lagður er í. Auk þess heyra undir menningarmálaflokkinn fimm hátíðir í Kópavogi; 17. júní, Ljóðstafur Jóns úr Vör, Barnamenningarhátíð, Vetrarhátíð og Aðventuhátíð,“ segir Soffía.

„Það má segja skipulagsyfirvöldum í Kópavogi til hróss að það var einkar hugvitsamlegt að reisa Menningarhúsin í svona mikilli nálægð hvert við annað. Það býður upp á tækifæri sem fá ef nokkur bæjarfélög geta státað af og við vinnum vel með þennan munað. Útisvæðið fyrir framan húsin og hinn sívinsæli veitingastaður sem staðsettur er í Gerðarsafni bæta líka svo um munar á gæði svæðisins svo hér er stöðugur straumur fólks sem við tökum alltaf vel á móti.“

Mynd frá Múmínálfasafninu í Tampere. Mynd: Jari Kuusenaho.

Múmínálfarnir á leiðinni í Menningarhúsin

Menningarhúsin í Kópavogi hafa haft forgöngu um nýtt samstarfsverkefni þar sem heimsmarkmið Sameinuðu þjóðanna um sjálfbæra þróun er fléttað saman við höfundarverk Norrænna barnabókahöfunda á borð við Tove Jansson, H.C. Andersen og Astrid Lindgren. Verkefnið er til þriggja ára og hefur hlotið undirbúningsstyrki úr Norræna menningarsjóðnum og Norrænu menningargáttinni. Lögð er áhersla á þátttöku barna og mótun þeirra við gerð verkefnisins, en fyrsta afurð þess verður sýnileg á Barnamenningarhátíð í Kópavogi í apríl. Á næsta ári verður svo opnuð í Gerðarsafni sýningin Múmínálfarnir og hafið, ný sýning, sem kemur beint frá Múmínálfasafninu í Tampere.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Kynning
07.10.2020

Citroën keyrir á rafmagnið

Citroën keyrir á rafmagnið
Kynning
06.10.2020

Ekki láta gluggaskiptin sitja á hakanum lengur

Ekki láta gluggaskiptin sitja á hakanum lengur
Kynning
24.09.2020

Nýr Volkswagen ID.4: Fullvaxinn 100% rafdrifinn fjölskyldubíll heimfrumsýndur!

Nýr Volkswagen ID.4: Fullvaxinn 100% rafdrifinn fjölskyldubíll heimfrumsýndur!
Kynning
23.09.2020

Forsýning í Brimborg: Nýi Mazda MX-30 rafbíllinn

Forsýning í Brimborg: Nýi Mazda MX-30 rafbíllinn
Kynning
18.09.2020

Fjölskyldufyrirtæki í áratugi

Útfararþjónusta Rúnars Geirmundssonar

Fjölskyldufyrirtæki í áratugi
Kynning
26.08.2020

60,8% rafbílar og tengiltvinnbílar hjá Brimborg

60,8% rafbílar og tengiltvinnbílar hjá Brimborg
Kynning
24.08.2020

457 hestafla rafmagnaður tengiltvinn Explorer PHEV

457 hestafla rafmagnaður tengiltvinn Explorer PHEV
Kynning
12.08.2020

Útsalan í Tölvulistanum er í fullum gangi

Útsalan í Tölvulistanum er í fullum gangi
Kynning
11.08.2020

Hvammshólar ehf: Allt að 99% hreinsun á skólpi

Hvammshólar ehf: Allt að 99% hreinsun á skólpi