fbpx
Sunnudagur 05.apríl 2020
Kynning

Togvíraklippur úr þorskastríðinu, munir frá landnámsöld og margt fleira í Skógasafni

Kynning
Jóhanna María Einarsdóttir
Föstudaginn 6. mars 2020 14:00

Skaftið hans Ómars Ragnarssonar.

Ekki missa af Helstu tíðindum dagsins í pósthólfið þitt

Lesa nánar

Það er gaman að koma í Skógasafn sem er að finna í nágrenni við Skógafoss. Safnið er fjölbreytt, spannar mjög vítt svið og má teljast til einna af áhugaverðustu menningarperlum okkar Íslendinga. „Við erum með muni allt frá Landnámsöld til dagsins í dag. Þá erum við með muni frá gamla bændasamfélaginu sem og yngri muni frá tækniöld. Þróun tímans gengur í gegnum allt safnið og samhengið í sýningunni er mjög gott. Við uppfærum reglulega sýningarnar, lagfærum og setjum upp nýja og spennandi gripi, enda bætist sífellt við safnkostinn. Það er því alltaf eitthvað nýtt og spennandi að skoða í hvert sinn sem maður kíkir við í Skógasafn,“ segir Andri Guðmundsson, forstöðumaður safnsins.

Áttæringurinn Pétursey í Byggðasafninu.

Skógasafn er eitt elsta safn landsins en safnið var fyrst gert aðgengilegt almenningi 1. desember árið 1949 í Skógaskóla. Einn af frumkvöðlum að stofnun safnsins var Þórður Tómasson, fyrrum safnstjóri, og hefur hann átt veg og vanda af velferð safnsins allt frá upphafi. Árið 1955 flutti safnið í eigið húsnæði og hefur æ síðan vaxið fiskur um hrygg. Skógasafn samanstendur nú af byggðasafni, húsasafni og samgöngusafni á sýningarsvæði sem telur um 2.500 fermetra.


Gripur vikunnar

Skógasafn heldur úti metnaðarfullri facebooksíðu: Skógarsafn þar sem í hverri viku er kynntur nýr gripur úr safnkostinum „Þessi liður hefur vakið mikla athygli fylgjenda okkar og það er um að gera fylgja okkur á facebook til þess að missa ekki af grip vikunnar.“

Samgöngusafnið.

Samgöngusafnið

Samgöngusafnið var opnað árið 2002 og sýnir sögu samgangna og tækniþróunar á Íslandi frá lokum 19. aldar og allt til dagsins í dag. Á meðal safngripa má finna Citroën Kégresse snjóbíl frá 1930 sem er heillegasta eintak sinnar tegundar í heiminum, „Skaftið“ hans Ómars Ragnarssonar sem hann flaug um á ótrúlegustu staði og Willis Jeppa þáverandi þjóðminjavarðar og síðar forseta Íslands.

Citroën Kégresse-snjóbíll.

„Í Samgöngusafninu erum við einnig með sýningu frá Slysavarnarfélaginu Landsbjörg. Sýningin var uppfærð í ársbyrjun 2019. Þar má líta ýmis ökutæki og snjóbíla sem hafa verið notaðir við björgunarstörf. Við erum með Dodge Weapon Carrier sem notaður var sem stjórnstöð hjá Flugbjörgunarsveitinni í Reykjavík og nýjasti sýningargripurinn er snjóbíll frá Björgunarsveitinni Víkverja sem var gefinn safninu 2018 og fór á sýningu í fyrra.

Snjóbíllinn frá Víkverja.

Allt frá stofnun Samgöngusafnsins höfum við verið í samstarfi við Vegagerðina og sýnum muni frá Vegagerðinni á 200 fermetra svæði. Svo erum við í samstafi við Þjóðminjasafnið og sýnum töluvert af ökutækjum frá þeim hér á safninu. Einnig erum við með tækni- og fjarskiptasýningu frá Sigurði Harðarsyni og litla sýningu frá Landhelgisgæslunni þar sem má meðal annars líta togvíraklippur úr Þorskastríðinu.“

Styður við fornleifauppgröft

Þess má geta að Skógasafn hefur stutt við fornleifauppgröft við Arfabót á Mýrdalssandi í Álftaveri, Vestur-Skaftafellssýslu, en bærinn fór líklega í eyði á 15. öld í kjölfar Kötlugosa. Uppgröfturinn er undir stjórn Bjarna F. Einarssonar hjá Fornleifafræðistofunni og mun veita aukna innsýn í sögu síðmiðalda og auka vitneskju um miðaldabæinn og áhrif Kötlugosa á byggð svæðisins alls.

 

Endurbætur á húsasafninu

„Undanfarið höfum við verið í viðhaldsframkvæmdum á torfbæjunum sem prýða húsasafnið okkar. Torfbæirnir okkar koma víða að úr Rangárvalla- og Vestur-Skaftafellssýslu og þurfa reglubundið viðhald líkt og önnur hús. Í fyrra var ráðist í endurbætur á fyrstu torfbyggingunni sem færð var á safnasvæðið, skemmu frá Varmahlíð undir Eyjafjöllum frá árinu 1830. Stafverk var komið á skjön og mænisásinn brotinn á tveimur stöðum. Þurfti að rétta bygginguna af og laga mænisásinn. Viðhaldsframkvæmdirnar gengu eins og í sögu og erum við vongóð að skemman standi um ókomin ár áfram hjá okkur.“

Húsasafnið.

70 ára safn

Þann 15. september síðastliðinn hélt Skógasafn upp á 70 ára afmælið með pompi og prakt í Skógaskóla. „Afmælishátíðin var sett af Sigurði Inga Jóhannssyni samgöngu- og sveitastjórnarráðherra og mættu um 200 manns til þess að fagna með okkur. Í tilefni þess var opnuð ný ljósmyndasýning um 70 ára sögu safnsins og hún er ennþá til sýnis fyrir þá sem komust ekki til okkar á afmælishátíðina.“ Safnið rekur metnaðarfulla gjafavörubúð þar sem finna má bækur, íslenskt handverk og ullarvörur, póstkort og margt fleira. Inni á Samgöngusafninu er svo að finna veitingastaðinn Skógakaffi þar sem boðið er uppá úrval veitinga eins og súpu dagsins með nýbökuðu brauði, samlokur, kökur, sætabrauð, kaffi og fleira.

Ný og glæsileg móttaka var tekin í gagnið fyrir stuttu.

Það er víst að á Skógasafni kennir ýmissa grasa og flestir geta fundið sér eitthvað við hæfi til þess að fræðast um og skoða. „Skógasafn er vinsæll viðkomustaður ferðamanna bæði innlendra og erlendra og erum við stolt að geta boðið upp á faglegar og skemmtilegar leiðsagnir fyrir hópa um safnið á mörgum tungumálum. Þá tökum við reglulega á móti fólki í vinnustaðaferðum sem og fjölskyldum í dagsferðum“.

Skógasafn, Skógum, 861 Hvolsvelli.

Safnið er opið allan ársins hring og út maí verður opnunartíminn frá 10–17.00.

Nánari upplýsingar um opnunartíma og annað má nálgast á vefsíðu Skógasafns, skogasafn.is

Sími: 487-8845

Tölvupóstur: booking@skogasafn.is

Instagram: @skogarmuseum

Facebook: Skógasafn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Góðverk eru smitandi
Kynning
Fyrir 3 vikum

Súperbygg: Öflugt byggingarfyrirtæki á Selfossi

Súperbygg: Öflugt byggingarfyrirtæki á Selfossi
Kynning
Fyrir 3 vikum

Hvellur-Reiðhjólaþjónusta allt árið: Gæðamerki, góð þjónusta og gott verð

Hvellur-Reiðhjólaþjónusta allt árið: Gæðamerki, góð þjónusta og gott verð
Kynning
Fyrir 3 vikum

Reistur frá dauðum með ofurkrafta – Bíómiðar í boði á hasarmyndina Bloodshot

Reistur frá dauðum með ofurkrafta – Bíómiðar í boði á hasarmyndina Bloodshot
Kynning
Fyrir 4 vikum

Ritsmiðja, listasýning og notaleg stemning á Bókasafni Árborgar: „Við erum alltaf með heitt á könnunni“

Ritsmiðja, listasýning og notaleg stemning á Bókasafni Árborgar: „Við erum alltaf með heitt á könnunni“
Kynning
Fyrir 4 vikum

LED húsnúmer geta bjargað lífum!

LED húsnúmer geta bjargað lífum!
Kynning
Fyrir 4 vikum

Lagðar línur, litríkir skúlptúrar og nýtt kaffihús í Listasafninu á Akureyri

Lagðar línur, litríkir skúlptúrar og nýtt kaffihús í Listasafninu á Akureyri
Kynning
Fyrir 4 vikum

Komdu í áskrift hjá Hydra Flot Spa: Nýtt í ár! Hljóðrituð hugleiðsla, Cryo-air andlitsmeðferðir og vinnustaðarnámskeið

Komdu í áskrift hjá Hydra Flot Spa: Nýtt í ár! Hljóðrituð hugleiðsla, Cryo-air andlitsmeðferðir og vinnustaðarnámskeið