Þessi stórglæsilega fartölva frá ASUS, sem er meðal annars handhafi RedDot 2020 verðlaunanna, er sérstaklega hönnuð með fólk á ferðinni í huga. Hún er létt, sterkbyggð og heldur hleðslunni í lengstu lög.
Fartölva fyrir ferðalögin
ASUS ExpertBook B9 er ein af léttustu fjórtán tommu fartölvunum á markaðnum í dag, en hún vegur ekki nema 995 gr! Fjögurra millimetra þunnur rammi á skjánum gefur 94% skjáflöt og mattur skjárinn dregur úr glampa á skjánum. Þessi litla tölva notar einnig plássið mjög vel, en talnaborðið var fært í snertiflötinn. Hægt er að kveikja á þeirri virkni með því að snerta talnaborðstákn í efra hægra horni snertiflatarins. Til að auðvelda notkun á ferðalögum þá er hægt að kveikja á baklýsingu fyrir lyklaborðið. Tölvan notar Panel Self Refresh tækni sem styðst við sérstakt minni í LCD skjánum. Þetta dregur verulega úr orkunotkun þar sem skjárinn slekkur tímabundið á myndvinnslunni þegar engin hreyfing er á skjánum.
Stenst þolpróf bandaríska hersins
ASUS ExpertBook B9 er bæði meðfærileg og afar sterkbyggð. Hefur tölvan verið margprófuð til að ganga úr skugga um að hún þoli alls kyns hnjask. Hún hefur meðal annars staðist MIL-STD 810G próf bandaríska hersins. Lamirnar eru með ErgoLift tækni til að halla lyklaborðinu örlítið, til að létta á álagi á úlnliðina. Rafhlaðan endist í allt að 24 klukkustundir og nær allt að 60% hleðslu á undir 40 mínútum.
Fáanleg í sérpöntun hjá Tölvulistanum. Nánari upplýsingar fást hjá sölufulltrúum fyrirtækjasviðs í Tölvulistanum í síma 414-1710 og í tölvupósti sala@tl.is
