Rafstilling ehf. er gamalgróið verkstæði sem sérhæfir sig í alternatora- og startaraviðgerðum. „Við flytjum inn og seljum nýja startara og alternatora, ásamt því að gera við og skipta um þá fyrir viðskiptavini okkar. Einnig erum við með alla íhluti svo sem kapla og aðra fylgihluti með störturum. Við þjónustum alls staðar á landinu þar sem hægt er að starta einhverju í gang eða hlaða. Viðskiptavinir okkar eru hvort tveggja fyrirtæki og einstaklingar. Þá þjónustum við mest verktaka, bændur og búalið eða aðila sem tengdir eru sjávarútvegnum,“ segir Sigurjón Jónsson, eigandi fyrirtækisins.
Reynsluboltar
Verkstæðið er með öll nauðsynleg tæki og tól til viðgerða og ísetninga á störturum og alternatorum. Allir viðgerðir hlutir eru prófaðir í prufubekk til að tryggja að allt sé í lagi. Þeim er einnig skilað hreinum og máluðum. „Við höfum áratuga reynslu í viðgerðum fyrir einstaklinga og fyrirtæki enda er fyrirtækið búið að vera starfandi í meira en tuttugu ár. Starfsmennirnir hér eru að sama skapi flestir búnir að vera hér í um 10–15 ár og með gífurlega reynslu.“
Einnig flytur verkstæðið inn og selur sólarsellur í miklu úrvali fyrir húsbíla og hjólhýsi.
Hraði og góð þjónusta
„Við leggjum áherslu á hraða og góða þjónustu og flytjum inn ýmis vörumerki sem tengjast okkar þjónustu. Við erum bæði með vörur frá original framleiðendum og öðrum til þess að geta boðið viðskiptavinum okkar upp á fyrsta flokks þjónustu.“
Nánari upplýsingar má nálgast á vefsíðu Rafstillingar, rafstilling.is
Dugguvogi 23, 104 Reykjavík
Sími: 581-4991 eða 663-4942
Netpóstur: rafstilling@rafstilling.is
Facebook: Rafstilling