Í Rekstrarlandi leggjum við okkur fram um að draga úr plastnotkun. Við trúum því að umhverfi og þægindi eigi samleið – og gott verð auðvitað. Því er stór hluti af úrvali okkar í einnota vörum niðurbrjótanlegur eða endurvinnanlegur á einhvern hátt.

Við skynjum mikinn áhuga hjá einstaklingum sem og fyrirtækjum á því að huga að náttúrunni og við leggjum sömuleiðis ríka áherslu á sjálfbærni og um leið að draga úr kolefnisspori fyrirtækisins eftir föngum.
Umhverfisvænu, einnota Abena vörurnar sem fást hjá okkur eru framleiddar úr niðurbrjótanlegum efnum. Fallega hannaðar gæðavörur sem eru flottar til að bera fram í og neyta matar af, s.s. diskar, glös, bakkar, hnífapör – úr niðurbrjótanlegum efnum. Abena vörurnar henta bæði fyrir veitingahús og aðra staði þar sem þörf er á en einnig líka heimili og einstaklinga ef tilefni er til.
Á síðari árum hefur fjölbreytni í einnota vörum aukist mjög og náttúruleg efni eins og pálmablöð, tréspænir og vörur framleiddar úr lífefnum eins og PLA eru smátt og smátt að taka fram úr vörum framleiddum úr plasti. Samt ber þó að athuga að plast er endurvinnanlegt efni og ef það er flokkað rétt (með plasti til endurvinnslu) kemst það í endurvinnsluhringrás og getur þar með öðlast hlutverk á ný. Eins má líka iðulega nota plastvörurnar oftar en einu sinni þrátt fyrir að þær séu flokkaðar sem einnota.

Hér má sjá hluta af þeim Abena vörum sem við bjóðum í Rekstrarlandi:

Nánari upplýsingar má nálgast á rekstrarland.is

Vefpóstur:  rekstrarland@rekstrarland.is

Sími: 515 1100  / 515 1500