Fimmtudagur 14.nóvember 2019
Kynning

Aflhlutir þjóna sjávarútvegi, fiskeldi og fleiru

Kynning
Jóhanna María Einarsdóttir
Föstudaginn 23. ágúst 2019 12:00

Hrafn, Björn og Helgi.

Ekki missa af Helstu tíðindum dagsins í pósthólfið þitt

Lesa nánar

„Starfsmenn og eigendur Aflhluta ehf. erum við Hrafn Sigurðsson, Björn Jóhann Björnsson og Helgi Axel Svavarsson, sem allir erum menntaðir vélfræðingar og höfum áratugareynslu í sölu og tæknilegri þjónustu við sjávarútveginn. Aflhlutir ehf. er umboðsaðili fyrir mörg af þekktustu vörumerkjum á markaði tengdum sjávarútvegi. Þar má nefna bátavélar frá JOHN DEERE, DEUTZ, MAN, hliðarskrúfur frá ABT-TRAC, ljósavélar ZENORO og fiskidælur frá SEA-QUEST,“ segir Hrafn einn af eigendum Aflhluta.

Sea-Quest sem er staðsett í Killibeks í Írlandi, er leiðandi í dag í framleiðslu á fiskidælum og tengdum búnaði fyrir uppsjávarveiðiskip. Í dag eru nálægt 70% af uppsjávarskipum á Íslandi með fiskidælur frá Sea-Quest. Aflhlutir ehf. þjónustar sjávarútveginn, fiskeldið, bændur og verktaka.

Nýlega tóku Afhlutir ehf. við umboði fyrir hinar þekktu JCB rafstöðvar. „Fyrir stuttu seldum við tvær JCB rafstöðvar fyrir varaafl til ISAVIA á Reykjavíkurflugvelli, einnig höfum við selt töluvert af JCB rafstöðvum til fiskeldisfyrirtækja, þar sem þær hafa reynst mjög vel enda þekktar fyrir gæði og áreiðanleika,“ segir Hrafn.

 

Umboð fyrir bátasmiðjuna Bredgaard Boats

Árið 2016 tóku Aflhlutir ehf. við umboði fyrir Danska skipasmíðastöð sem heitir Bredgaard Boats. Bredgaard Boats, sem staðsett er í nýjum húsakynnum í Rödby, hefur framleitt atvinnubáta frá árinu 1967. Helstu viðskiptalönd Bredgaard Boats eru Noregur, Svíþjóð, Danmörk, Grænland, Þýskaland, Holland og nú síðast Ísland. „Það eru mjög spennandi tímar framundan hjá Aflhlutum ehf. varðandi bátasölu, þar sem nú dregur að sjósetningu stærsta vertíðarbáts sem smíðaður hefur verið úr trefjaplasti fyrir íslenskan aðila. Bárður SH-81, sem er í eigu útgerðarmannsins Péturs Péturssonar á Arnarstapa, hefur verið í smíðum hjá Bredgaard Boats síðan í febrúar 2018. Bárður SH er smíðaður undir eftirliti og samkvæmt reglum flokkunarfélagsins Bureau Veritas. Í honum er allt það nýjasta nýtt sem er í boði á markaði í dag.“

 

Endurnýjun á hefðbundnum vertíðarbátum

Hrafn telur að þar sem mikil endurnýjun hafi átt sér stað í togaraflotanum og uppsjávarveiðiskipum sé nú komið að þessum hefðbundnu vertíðarbátum sem hafa setið eftir. „Við sjáum að þessir bátar eru flestir komnir til ára sinna og þarfnast endurnýjunar. Viðhaldskostnaður og óhagkvæmni í rekstri er þá töluverður miðað við þann búnað sem í boði er í dag. Þar má til dæmis nefna að aðalvélin í Bárði SH, sem er frá MAN í Þýskalandi, er með eldsneytisnotkun sem gerist vart lægri í þessum vélaflokki, ekki nema 195 g/kWh og uppfyllir allar þær ströngu kröfur um mengun sem gerðar eru í dag.“

Nýr Bárður SH.

Með mikið af búnaði í nýjan Bárð SH

„Bárður SH verður einn fullkomnasti bátur af þessari stærð þegar hann kemur til landsins síðar í sumar. Við erum þeir aðilar sem erum með milligöngu um smíði og sölu á þessum báti og seljum að auki mestallan búnað í hann. Aðalvélin er frá MAN og er 900 hestöfl, niðurfærslugírinn er TWIN DISC MGX, skrúfubúnaðurinn kemur frá Teignbridge, tvær ljósavélar frá Zenoro í Hollandi, hliðarskrúfurnar bæði framan og aftan frá ABT Track í Bandaríkjunum. Þetta eru hliðarskrúfur sem hafa reynst alveg gríðarlega vel á þessum markaði fyrir smærri gerð af bátum. Svo er kraninn frá Guerra á Spáni. Við erum því með puttana í mörgu í tæknibúnaðinum í þessum bát og erum líka að sinna eftirliti með smíðinni.

Við fylgjum mjög vel eftir öllum okkar verkefnum og erum vel tengdir í þau. Við erum ekki bara að selja, heldur að þjónusta og fylgja eftir öllum þáttum, þannig að allt verði gert eins vel og völ er á fyrir okkar viðskiptavini,“ segir Helgi, vélfræðingur og rafiðnfræðingur.

 

27 metra langur og 7 metra breiður

Að mati Hrafns býður bátasmiðja Bredgaard Boats upp á kosti sem ekki hafi sést hér á Íslandi áður, þegar litið er til styrkleika og gæða. „Hinn nýi Bárður verður stærsti trefjaplastbátur sem smíðaður hefur verið fyrir íslenskan útgerðarmann. Hann er tæplega 27 metra langur og 7 metra breiður. Borghein Yact Design í Danmörku sem er með áratuga reynslu í hönnun báta, hannaði og teiknaði nýjan Bárð SH í samvinnu við Pétur. Við höfum selt vélbúnað um borð í íslenska plastbáta í áratugi og höfum aldrei séð flottari og vandaðri vinnubrögð á nokkrum bát eins og hjá Dönunum.

Snurvoðaspil, netatromma og stjórnbúnaðurinn fyrir snurðvoðina verður með því fullkomnasta sem þekkist, og verður öll stjórnun á voðinni tölvustýrð með snertiskjá. Þessi búnaður kemur frá AS-Scan í Danmörku. Allt vökvakerfið í bátinn er einnig lagt af sérfræðingum AS-Scan. Vökvadælur og lokar koma frá Landvélum. Það er víða komið við í þessu og þetta verður gríðarlega öflugur bátur í alla staði og vandaður,“ bætir hann við.

Eftir afhendingu bátsins í Rödby, verður siglt til  Boa Tech í Danmörku þar sem allur dekkbúnaður verður settur í hann, þ.e. þvottakör, fiskimóttakan og annar búnaður á dekki.

 

Hafa trú á að fleiri fylgi í kjölfarið

„Þegar menn átta sig á öllum kostum þessa báts og gæði búnaðarinns, erum við bjartsýnir á að menn flykkist um borð í hann til að skoða og sjái þá um leið hve vandaður gripur þetta er og fari að leita til Danmerkur eftir nýjum bátum. Ég er viss um að með þessum nýja Bárði hefjist nýr kafli í smíði plastbáta fyrir íslenskar útgerðir. Vinnan er einstaklega vönduð og verðið mjög gott og höfum við mikla trú á því að fleiri fylgi í kjölfarið,“ segir Hrafn.

Hrafn Sigurðsson, Björn Jóhann Björnsson og Helgi Axel Svavarsson.

Allir menntaðir vélfræðingar

Aflhlutir var stofnað 2006. „Við vorum upphaflega sex sem stofnuðum fyrirtækið. Síðan skildu leiðir eftir fyrsta árið en ég og Björn, héldum áfram með fyrirtækið. Við Björn útskrifuðumst saman úr Vélaskóla Íslands árið 1980 og höfum allar götur síðan verið góðir félagar. Við unnum þó á sitthvorum staðnum. Hann hjá Vélsölunni og ég var í mörg ár hjá Merkúr, svo við vorum keppinautar þá. Svo atvikaðist það þannig að við hættum á sama tíma, hann hjá Vélasölunni og ég hjá Marás, þar sem ég var í eitt ár. Þá stofnuðum við Aflhluti og höfum alla tíð síðan byggt þetta fyrirtæki upp. Helgi Axel Svavarsson kemur svo inn í fyrirtækið í byrjun 2017 og er nú orðinn einn af hluthöfunum. Hann var framkvæmdastjóri fyrir fyrirtæki sem heitir Ásafl í nokkuð mörg ár. Við erum því þrír starfsmenn sem allir eru jafnframt hluthafar. Við erum allir menntaðir vélfræðingar og með réttindi sem slíkir. Helgi er auk þess menntaður rafiðnfræðingur. Starfsemin er byrjuð að sprengja utan af sér, þannig að við erum farnir að huga að ýmsum hlutum til framtíðar,“ segir Hrafn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kynning
Fyrir 1 viku

FORSALAN HAFIN: GLÆNÝR PEUGEOT 208 BENSÍN og e-208 RAFBÍLL MEÐ 340 KM DRÆGNI

FORSALAN HAFIN: GLÆNÝR PEUGEOT 208 BENSÍN og e-208 RAFBÍLL MEÐ 340 KM DRÆGNI
Kynning
Fyrir 1 viku

Rúmföt.is – Hágæða lúxusrúmföt

Rúmföt.is – Hágæða lúxusrúmföt
Kynning
Fyrir 2 vikum

Atómstöðin – endurlit, frumsýnd á Stóra sviði Þjóðleikhússins föstudaginn 1. nóvember 

Atómstöðin – endurlit, frumsýnd á Stóra sviði Þjóðleikhússins föstudaginn 1. nóvember 
Kynning
Fyrir 2 vikum

Girðing.is skapar öryggi

Girðing.is skapar öryggi
Kynning
Fyrir 2 vikum

Uniconta – bókhaldskerfið sem allir eru að tala um

Uniconta – bókhaldskerfið sem allir eru að tala um
Kynning
Fyrir 3 vikum

Ný íþrótt á Íslandi!

Ný íþrótt á Íslandi!
Kynning
Fyrir 3 vikum

Tennis er skemmtileg hreyfing!

Tennis er skemmtileg hreyfing!