fbpx
Þriðjudagur 11.ágúst 2020
Kynning

Einar Örn tileinkar ömmu sinni sálugu lag

Kynning
Jóhanna María Einarsdóttir
Föstudaginn 26. júlí 2019 08:00

Einar Örn og Labbi í góðum gír.

Ekki missa af Helstu tíðindum dagsins í pósthólfið þitt

Lesa nánar

Einar Örn, rafvirki og tónlistarmaður með meiru, gaf á dögunum út glænýtt lag, Elsa, sem er jafnframt þriðji singúllinn sem kemur út af nýrri plötu eftir kappann. „Lagið er óður til ömmu minnar og ég held að hlustendahópurinn sé svona 40+ án þess að ég ætli eitthvað að staðhæfa um það. Það mikilvægasta við tónlistarsköpun mína er að tónlistin „svíngi“, eins og t.d. Abba gerðu, og fröken Elsa svíngar alla leið,“ segir Einar Örn Konráðsson.

Lagið kom út á Spotify og má nálgast þar.

Landsliðið í tónlist

Lagið er instrúmental og flutt af stórskotaliði íslenskrar tónlistarsenu. „Ég fékk í lið með mér algerar goðsagnir. Þá er hann Labbi í Mánum eða Ólafur Þórarinsson, sem söng ódauðlegar perlur í íslenskri tónlistarsögu eins og „Undir bláhimni“. Sonur hans, Bassi, er einnig með okkur og Jói Ásmunds í Mezzoforte spilar á bassa og sonur hans, Ási, er á trommum. Svo blæs Jóhann Stefánsson í trompetið og Tómas Jónsson er á hljómborði. Sömuleiðis gerði Gummi úr Sálinni mjög mikið fyrir þetta lag, en Labbi kom svo í hans stað síðar í ferlinu.

Einar Örn og Labbi á góðri stundu.

Lagið Elsa er samið í kringum lítið stef sem hefur fylgt mér lengi á tónlistarferli mínum. Þetta var einhver gangur sem ég greip alltaf í á gítarnum og hugsaði með mér, hvort þetta væri ekki bara lag sem ég væri að semja. Svo fór ferlið í gang og eitt leiddi af öðru og útkoman er bara svona andskoti prýðileg.

Lagið er nefnt í höfuðið á ömmu minn sálugu, henni Elsu Kristínu Ásbergsdóttur, dóttur Ásbergs skipstjóra á gamla Fagranesinu. Hún Elsa amma mín var minn helsti stuðningsmaður í tónlist á sínum tíma. Hún keypti handa mér hljóðfæri og rak á eftir mér að sækja tónlistarskóla og fara á lúðrasveitaræfingar. Hún vissi nákvæmlega hvað var mér fyrir bestu.

Svo var það auðvitað afi minn, hann Einar Magnússon, fiskmatsmaður, harðfiskverkandi og gellari, sem kenndi mér margt, hvernig átti að gera hlutina og ekki gera hlutina. Hann var stundum mikið fyrir snafsinn og það var ekkert alltaf drama í kringum það, en það kom samt fyrir og þá var tiplað á tám. En harðduglegur var hann og ég er það líka stundum sjálfur, en fæ mér snafs þess á milli.

Ég vona bara að amma og afi kunni að meta þetta lag uppi á himnum og leyfi kannski Guði að heyra það líka, og Jesú,“ segir Einar að lokum.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Kynning
23.05.2020

Innréttingar og tæki eru með lausnirnar fyrir sumarhúsið

Innréttingar og tæki eru með lausnirnar fyrir sumarhúsið
Kynning
22.05.2020

BYKO býður upp á heildarlausnir fyrir sumarbústaðinn

BYKO býður upp á heildarlausnir fyrir sumarbústaðinn
Kynning
20.04.2020

Hljómsveitin SUÐ með Stillimynd: Hlustaðu á lagið

Hljómsveitin SUÐ með Stillimynd: Hlustaðu á lagið
Kynning
09.04.2020

Ný alþjóðleg deild Kvikmyndaskóla Íslands í haust

Ný alþjóðleg deild Kvikmyndaskóla Íslands í haust
Kynning
03.04.2020

Ekki láta þér leiðast í sóttkví: Kynlífstækjaverslunin Hermosa er með fría heimsendingu

Ekki láta þér leiðast í sóttkví: Kynlífstækjaverslunin Hermosa er með fría heimsendingu
Kynning
21.03.2020

Geislatækni: Laserskurður og ryðfrí smíði í hæsta gæðaflokki

Geislatækni: Laserskurður og ryðfrí smíði í hæsta gæðaflokki