fbpx
Mánudagur 19.ágúst 2019  |

DV - Frjáls og óháður miðill

Kynning

Kísildalur: „Áttum stóran þátt í að endurlífga rafíþróttamenninguna“

Kynning
Jóhanna María Einarsdóttir
Föstudaginn 19. júlí 2019 12:00

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Öðlingarnir í tölvuversluninni og tölvuverkstæðinu Kísildal hafa gífurlega reynslu þegar kemur að tölvum, tölvuleikjum og því að ráðleggja nýjum tölvuleikjaáhugamönnum sem og reyndari leikjaspilurum varðandi búnað og uppfærslu til þess að gera leikjaspilunina sem ánægjulegasta. „Við höfum þjónustað leikjaspilara og sérsmíðað tölvur í hartnær 14 ár. Það hafa verið sömu eigendurnir í öll þessi ár og við höfum skapað okkur afar gott orðspor á markaðnum,“ segir Guðbjartur Nilsson, framkvæmdastjóri Kísildals.

Guðbjartur Nilsson, frakmvæmdastjóri Kísildals. Mynd: Eyþór Árnason.

Ekki alltaf það dýrasta og öflugasta

„Við erum ekkert endilega að ota því dýrasta og öflugasta að fólki. Frekar leggjum við okkur fram við að þarfagreina fólk, finna út hvað virkar best fyrir viðkomandi og hvernig sé hægt að framkvæma það á sem hagkvæmastan máta. Þá einblínum við á hvað sé það besta sem við getum boðið fyrir þann pening sem hver og einn er tilbúinn að leggja í þetta. Við höfum t.d. ráðlagt foreldrum sem eru að gefa borðtölvur í fermingargjöf, að gera krakkana ábyrga fyrir tölvunni. Þá fylgjast þeir sjálfir með uppfærslum og íhlutum, finna út hvað hlutirnir kosta, spara pening og safna fyrir þeim til þess að kaupa sjálfir. Þetta er virkilega góður lærdómur fyrir börn á þessum aldri og þau læra fljótt að fara vel með peninga.“

Það er nokkur fórnarkostnaður fólginn í að koma sér upp tiltölulega góðri leikjaaðstöðu ef þarf að byrja frá grunni. „Við seljum mikið sérsmíðaðar tölvur fyrir ýmiss konar notkun. Þá erum við með hugmyndir að pökkum á vefsíðu Kísildals sem spanna mjög vítt svið, allt frá tölvum sem henta í einfalda leiki til tölva sem henta kempum sem gera miklar kröfur varðandi myndgæði og viðmót. Hægt er að koma sér upp fínni aðstöðu með borðtölvu, skjá, mús, lyklaborði og öllum pakkanum á um það bil 200.000 krónur. Ef fólk er tilbúið að eyða aðeins meiru í áhugamálið þá er auðvelt að fara upp í 500.000 kallinn.“

Mynd: Eyþór Árnason

Taka þátt í rafíþróttabyltingunni

Kísildalur hefur stutt rafíþróttir á Íslandi m.a. með því að styrkja G-Zero um verðlaun fyrir keppnismót og fleira. Á sínum tíma hélt Kísildalur rafmót í tvígang sem nefndist Kísildalur Open. „Við leigðum Skautasvellið í Egilshöll og héldum keppnismót fyrir um 200 manns. Þetta var fyrir um tíu árum og viljum við meina að við eigum þar stóran þátt í að hafa endurlífgað rafíþróttamenninguna eftir að Síminn hætti að halda Skjálfta og keppnissamfélagið lagðist í hálfgerðan dvala. Eftir mótin okkar tóku aðrir við keflinu og síðan þá hafa rafíþróttirnar verið vaxandi grein innan leikjasamfélagsins. Þróunin hefur alltaf verið afar hröð í tölvugeiranum og í tölvuleikjabransanum. Upp á síðkastið hefur þróunin verið skemmtileg með tilkomu RÍSÍ og rafíþrótta á Íslandi. Ég er persónulega mjög spenntur að sjá hvernig þetta þróast áfram, enda hefur fólkið í Rafíþróttasamtökunum verið að gera ofboðslega flotta hluti.“

Mynd: Eyþór Árnason

Nánari upplýsingar má nálgast á vefverslun Kísildals, kisildalur.is

Verslunin er að Síðumúla 15, 105 Reykjavík.

Sími: 517-1150

Fylgstu með á Facebook: Kísildalur

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kynning
Fyrir 2 vikum

Parketslípun Meistarans: Ástríða, þekking og reynsla

Parketslípun Meistarans: Ástríða, þekking og reynsla
Kynning
Fyrir 2 vikum

Opið í Fjölskyldu- og húsdýragarðinn alla verslunarmannahelgina: Forspáar hænur, ný leiktæki og verkalýðsdrottningar

Opið í Fjölskyldu- og húsdýragarðinn alla verslunarmannahelgina: Forspáar hænur, ný leiktæki og verkalýðsdrottningar
Kynning
Fyrir 3 vikum

Saffran 10 ára: Opnar aftur í Glæsibæ og á Dalvegi eftir glæsilegar endurbætur

Saffran 10 ára: Opnar aftur í Glæsibæ og á Dalvegi eftir glæsilegar endurbætur
Kynning
Fyrir 3 vikum

Kynlífstækjaverslunin Hermosa.is: „Engin þörf á að feika það“

Kynlífstækjaverslunin Hermosa.is: „Engin þörf á að feika það“
Kynning
Fyrir 3 vikum

Arctic Barley: Ný og poppuð íslensk heilsufæða

Arctic Barley: Ný og poppuð íslensk heilsufæða
Kynning
Fyrir 3 vikum

Smartfix snjalltækjaþjónusta: Góð þjónusta og sanngjarnt verð

Smartfix snjalltækjaþjónusta: Góð þjónusta og sanngjarnt verð
Kynning
Fyrir 4 vikum

Fjölskyldufyrirtæki í áratugi

Útfararþjónusta Rúnars Geirmundssonar

Fjölskyldufyrirtæki í áratugi
Kynning
Fyrir 4 vikum

RÍSÍ: Rafíþróttir – Miklu meira en bara að spila tölvuleik

RÍSÍ: Rafíþróttir – Miklu meira en bara að spila tölvuleik
Kynning
Fyrir 4 vikum

Leiktu þér betur með Pennanum

Leiktu þér betur með Pennanum