Á góðum sumardegi er tilvalið að fara með fyrirtækið eða vinahópinn í golf. Golf er frábært hópefli og tökum við hjá GM afar vel á móti hópum. Við höfum yfir að ráða tveimur frábærum vallarsvæðum, Hlíðavelli og Bakkakoti, sem bæði henta vel fyrir hópa af öllum stærðum og gerðum. Hægt er að fá aðstoð og leiðbeiningar við uppsetningu móta hjá starfsmönnum GM.
Bakkakot
Bakkakotsvöllur er tilvalinn fyrir smærri hópa, en völlurinn er 9 holur og hentar kylfingum af öllum getustigum. Bakkakot er í Mosfellsdal og dásamlegt að njóta þess að spila golf í friðsældinni. Golfskálinn í Bakkakoti er afar notalegur og frábær fyrir hópa að gæða sér á veitingum fyrir eða eftir hring.
Hlíðavöllur
Á Hlíðavelli er frábær aðstaða fyrir smærri hópa. Við bjóðum upp á sérstaka pakka sem innihalda golf, veitingar, drykki og aðgang að hliðarsal sem tekur allt að 35 manns þar sem hópurinn þinn getur lokað að sér og átt góða stund saman. Að spila golf á Hlíðavelli er frábær upplifun fyrir þá sem kunna að meta góðar aðstæður, flott umhverfi og glæsilegt klúbbhús.
Við bjóðum upp á ýmsa þjónustu fyrir hópa sem spila hjá okkur eða halda mót. Við getum m.a:
Golfklúbbur Mosfellsbæjar rekur frábærar veitingasölur á báðum vallarsvæðum en hægt er að fá veitingar fyrir hring, eftir hring og úti á velli meðan á hring stendur.
Vantar þig hugmyndir fyrir hópinn þinn?
Viltu fjölbreytileika og nýjungar og ekki síst hugmyndir? Léttan par 3 völl fyrir suma keppendur? Afrekskylfing sem slær teighögg með gestum? Miðnæturmót? Eitthvað sem enginn hefur gert áður? Við hjá GM erum full af hugmyndum og áhuga á að gera mótið þitt sem allra best!
Nánari upplýsingar á golfmos@golfmos.is.
Við hlökkum til að heyra frá ykkur!
Við hjá GM segjum gjarnan að við séum skemmtilegasti golfklúbbur landsins og gerum svo sannarlega okkar besta til að tryggja að félagsmönnum okkar líði vel og þeir séu ánægðir hjá okkur. Klúbburinn stendur reglulega fyrir viðburðum, til dæmis Masters-vöku, glæsilegu lokahófi að meistaramóti loknu, einni skemmtilegustu bændaglímu landsins og árshátíð. Innanfélagsmótin eru mörg og fjölbreytt en þá ber helst að nefna VÍKING-deildina sem er liðakeppni, Titleist-holukeppnina og mótaröð félagsmanna. Kvennastarf GM er virkt og eru allar konur hvattar til að taka þátt í skemmtilegum mótum sem kvennanefnd stendur fyrir.
Við tökum vel á móti nýjum félagsmönnum, jafnt byrjendum sem lengra komnum. Kynntu þér starfsemina á www.golfmos.is