Á föstudaginn langa er gengið til Garðakirkju, annars vegar frá Vídalínskirkju og hins vegar frá Bessastaðakirkju. Margrét Eggertsdóttir leiðir gönguna frá Bessastaðakirkju og hefst hún kl. 16:00. Henning Emil Magnússon leiðir gönguna frá Vídalínskirkju og hefst hún kl. 17:00. Á leiðinni verður stoppað til að hlýða á kafla úr píslarsögunni. Hóparnir hittast síðan í Garðakirkju og eiga saman Helgistund. Þar mun Þorsteinn Bachmann leikari lesa úr Passíusálmunum. Kór Vídalínskirkju undir stjórn Jóhanns Baldvinssonar mun syngja sálma sem tengjast föstudeginum langa. Lestrar Þorsteins og söngur kórsins munu mynda eina heild sem gott verður að ganga inn í og njóta.

Þorsteinn Bachmann leikari hefur leikið í fjölda kvikmynda og einnig á sviði. Hann útskrifaðist frá  Leiklistarskóla Íslands 1991. Þorsteinn hefur hlotið fjölmargar tilnefningar og verðlaun fyrir leik sinn. Þorsteinn hefur reglulega staðið fyrir leiklistarnámskeiðum. Það verður spennandi að hlýða á hann lesa Passíusálmana.

Við hvetum ykkur öll að koma og íhuga atburði föstudagsins langa með okkur. Það er velkomið að mæta beint í helgistundina kl. 17.00 án þess að taka þátt í göngunni.