„Ég heyrði fyrst af Kreativ Dental Clinic þegar ég var í meistaranámi í alþjóðahagfræði í Búdapest. Læknanemar sem ég kynntist ræddu um tannlæknastofuna og minntust á að þetta væri ein besta tannlæknastofa í Evrópu. Fólk gerði sér ferð til Búdapest hvaðanæva úr heiminum, meðal annars frá Danmörku og Noregi til þess eins að gangast undir tannmeðferðir hjá stofunni. Ég varð hissa að heyra þetta því ég hafði alltaf heyrt að heilbrigðiskerfið í Skandinavíu væri vel rekið og frekar ódýrt fyrir notendur. Ég varð forvitinn um þessa rómuðu stofu og kynnti mér málið,“ segir Grímur Axelsson, umboðsmaður Kreativ Dental á Íslandi, sem búsettur er í Búdapest.
Tannlæknar og tannsmiðir sem eru hoknir af reynslu
Grímur uppgötvaði að Kreativ Dental er engin venjuleg tannlæknastofa, a.m.k. ekki í þeirri merkingu sem við leggjum í orðið hér heima. Þetta er stór tannlæknamiðstöð sem hefur yfir að ráða fjórtán tannlæknastofum í hæsta gæðaflokki. Hjá miðstöðinni starfa fjórtán tannlæknar og tannsérfræðingar í fullu starfi undir sama þaki. Þeir eru rótarsérfræðingar, tannholdssérfræðingar, sjö almennir tannlæknar, tveir tannplantsérfræðingar og þrír „Maxillio“ kjálkaskurðlæknar, sem sjá um flóknustu kjálkaskurðaðgerðirnar. Hjá Kreativ Dental starfa einnig yfir tuttugu tannsmiðir, af þeim eru fimm meistarar, á einu fullkomnasta tannsmíðaverkstæði í Evrópu. Einnig eru þar sýnikennarar fyrir stærsta postulínsframleiðanda í heimi, Vita, sem er þýskt fyrirtæki. Allir þessir sérfræðingar hafa unnið hjá Kreativ Dental í fjölda ára og býr stofan yfir rúmlega 20 ára reynslu við flóknustu tannsmíði og tannviðgerðir. Til stendur að opna nýtt tannsjúkrahús á vegum Kreativ Dental seinna á þessu ári, þar sem fyrirhugað er að einblína á beinígræðslu og tannlækningar undir fullri svæfingu og bjóða upp á fastar heildarlausnir í tannplöntum og öðru. „Þangað er búið að ráða einn fremsta kjálkaskurðlækni í Evrópu, en hann starfaði áður sem prófessor og er yfirlæknir í meðferðarstöðinni í Brugge í Belgíu, sem sérhæfir sig í lagfæringum á skarði í vör.“
Lifði lengi vel á orðspori einu saman
Miðstöðin er í fyrsta sæti af 73 skráðum tannlæknastofum í Ungverjalandi. Eigendur miðstöðvarinnar er metnaðarfull tannlæknafjölskylda sem er annt um orðspor sitt og kappkostar að bjóða upp á bestu þjónustu sem völ er á. „Árið 2016 ákvað ég að gerast umboðsmaður fyrir Kreativ Dental á Íslandi og hóf að koma Íslendingum í samband við sérfræðinga Kreativ Dental. Lengi vel auglýsti Kreativ Dental ekki og lifði einungis á góðu orðspori. Hið góða orðspor Kreativ Dental barst manna á milli og fólk hafði samband við okkur. Undanfarin eitt til tvö ár hafa fleiri aðilar á Íslandi farið að bjóða upp á almenna þjónustu í samstarfi við aðrar erlendar tannlæknastofur. Við sáum að það var kominn tími til þess að vera sýnilegri á markaðnum, bæði fyrir okkur og framtíðarviðskiptavini okkar.“
Ábyrgjast gæði
„Tannlæknamiðstöðin Kreativ Dental er ávallt með nýjustu ISO 9001 gæðavottun og er reglulega tekin út af Lloyd’s Register. Kreativ Dental býður 5–6 ára ábyrgð á krónu- og brúarsmíði, sem er ein lengsta ábyrgð í Evrópu. Aðeins þarf að fara í skoðun hjá tannlækni á um það bil árs fresti, annaðhvort frítt hjá Kreativ Dental í Búdapest eða hjá sínum tannlækni á Íslandi. Eins hefur Kreativ Dental samstarfstannlækni á Íslandi sem tekur vel á móti okkar fólki. Eftir því sem ég best veit fylgir engin ábyrgð á viðgerðum hjá íslenskum tannlæknastofum en einhverjar tannlæknastofur erlendis bjóða upp á þriggja ára ábyrgð, en þá þarf að koma til þeirra í skoðun á sex mánaða fresti. Til að halda ábyrgðinni hjá Kreativ Dental er nauðsynlegt að mæta um það bil árlega í tannskoðun, hvort heldur er hjá eigin tannlækni heima á Íslandi, samstarfstannlækni Kreativ Dental á Íslandi eða í skoðun hjá Kreativ Dental í Búdapest en sú skoðun er ókeypis. Ábyrgðin fellur ekki úr gildi þó svo að fólk þurfi að fara í aðrar tannviðgerðir annars staðar en hjá Kreativ Dental, en tannlæknarnir hjá Kreativ Dental vilja og þurfa vissulega að fá að fylgjast með sínu fólki.“
Persónuleg þjónusta á íslensku í gegnum allt ferlið
Kreativ Dental leggur mikið upp úr persónulegri þjónustu. Miðstöðin er með þjónustuborð á flugvellinum í Búdapest þar sem vel er tekið á móti gestum tannlæknastofunnar. Þar fær viðskiptavinurinn upplýsingar um tíma í skoðun og bílstjóri Kreativ Dental ekur viðkomandi á samstarfshótel tannlæknamiðstöðvarinnar. „Hátt í fjörutíu Íslendingar nýta sér þjónustu okkar í hverri viku. Þeir sem eru að ferðast einir á vegum Kreativ Dental rekast því strax á landa sína við þjónustuborðið á flugvellinum í Búdapest. Á hótelinu er því enginn einn og fólk miðlar og ræðir um reynslu sína. Hjá Kreativ Dental starfar þjónustustjóri sem talar reiprennandi íslensku og er viðskiptavinum okkar til halds og trausts. Hann starfar einnig sem túlkur á milli viðskiptavinar og tannsérfræðinga, ef þess er óskað.“ Allt ferlið getur farið fram á íslensku fyrir þá sem vilja en þess má geta að allir tannlæknar eru enskumælandi. „Einnig er ég á staðnum sem umboðsmaður Kreativ Dental á Íslandi. Eftirfylgni af hálfu Kreativ Dental fer svo að sama skapi fram á íslensku og er fólk hvatt til að vera áfram í góðu sambandi við okkur eftir að meðferð lýkur.“
Verð, gæði og tímasparnaður
Ástæður þess að fólk, hvaðanæva úr heiminum, velur Kreativ Dental Clinic frekar en aðrar stofur eru margvíslegar en þær helstu eru verð, gæði á þjónustu og tímasparnaður. „Hjá Kreativ Dental eru engin falin gjöld. Verðlisti á meðferðum er fullkomlega gegnsær. Ef þú kaupir tannplantmeðferð, kostar hún 680 evrur. Það bætist ekkert aukalega við aðgerðina, eins og að opna fyrir tannplanta, deyfing, notkun á skurðáhöldum, verð fyrir grisjur eða annað. Sama gildir um aðrar meðferðir eins og til dæmis kinnholulyftingu (e. sinus lift). Reynsla og gæði eru helstu ástæður þess að fólk tekur Kreativ Dental fram yfir aðrar tannlæknastofur en fram hefur komið að þar starfa einhverjir af fremstu tannsérfræðingum heims. Árið 2015 var Kreativ Dental Clinic valin tannlæknastofa ársins í Evrópu af International Medical Travel Journal. Árið 2017 valdi Global Health and Pharma hana tannlæknastofu ársins í heiminum. Ári síðar var hún valin tannlæknastofa ársins í heiminum af IMTJ. Á þessu ári gáfu viðskiptavinir tannlæknastofa víðs vegar í heiminum Kreativ Dental hæstu einkunn og fékk tannlæknastofan viðurkenningu þess efnis. Tímasparnaður er einn af kostunum við að velja Kreativ Dental. Allir sérfræðingar Kreativ Dental, eins og tannlæknar og tannsmiðir, eru undir sama þaki og vinna náið saman að því að skipuleggja og halda utan um meðferðarferli viðskiptavinarins. Allt fer fram á skilvirkan og þægilegan hátt og fólk er yfirleitt búið áður en það veit af.
Það fer eftir því hve mikið inngripið er og hve mikið er verið að lagfæra hversu oft þarf að koma í heimsókn. Allir okkar viðskiptavinir byrja á því að mæta í skoðun, myndatöku og fá meðferðaráætlun sem miðar að því að koma tannheilsunni í lag. Það ferli getur tekið um 2–3 klst., er án skuldbindingar og kostar ekki neitt. Í sumum tilfellum kemur í ljós að það þarf ekkert að gera við, í öðrum tilfellum þarf að fara fram viðgerð. Ef í ljós kemur að viðkomandi þarfnast tannviðgerðar og jafnvel fleira því tengt setja sérfræðingar Kreativ Dental upp nákvæma kostnaðar- og meðferðaráætlun, viðskiptavininum að kostnaðarlausu. Út frá því ákveða viðskiptavinir hvað þeir vilja gera, hvaða tími hentar þeim fyrir meðferð og fleira. Þjónustustjóri er til halds og traust í gegnum allt þetta ferli. Á þessum tímapunkti hefur viðskiptavinur ekki borgað krónu fyrir þjónustu Kreativ Dental og hann er ekki skuldbundinn til þess að hefja meðferð hjá stofunni. Ef meðferðir eru flóknar og þarf að framkvæma í mörgum skrefum er ekki óalgengt að viðskiptavinir komi 2–3 sinnum til okkar í Búdapest en vert er að geta þess að ferlið tekur ótrúlega stuttan tíma.“
Tannsmíðanemar frá Íslandi sækjast eftir að komast í starfsnám til Kreativ Dental
„Það er gaman frá því að segja að íslenskir tannsmíðanemar hafa undanfarið sóst eftir því að komast í starfsnám hjá Kreativ Dental. Í haust hefur Kreativ Dental boðið að taka tvo íslenska tannsmíðanema í starfsnám og verður spennandi að fá þá í okkar hóp,“ segir Grímur og býður íslensku tannsmíðanemana velkomna til Búdapest.
Hafir þú áhuga á að kynna þér málið frekar, eða hefja meðferð hjá Kreativ Dental Clinic, gerðu svo vel að hafa samband í síma 859-9403 eða sendu vefpóst á grimur@kreativdentalclinic.eu
Nánari upplýsingar um verð og þjónustu má nálgast á heimasíðunni: kreativdental.is
Fylgstu með á Facebook: Kreativ Dental Ísland
Einnig er óháður spjallhópur á Facebook þar sem fyrrverandi viðskiptavinir Kreativ Dental og áhugasamir geta átt samskipti um þjónustu stofunnar, fundið sér ferðafélaga og spjallað um hvað sé vert að gera í heimsborginni Búdapest: Tannlækningar í Búdapest- Kreativ Dental- spjallhópur
