Bílaklæðningar Ragnars Valssonar er sannkallað fjölskyldufyrirtæki sem hefur verið starfandi í hálfa öld, en fyrirtækið stofnaði Ragnar Valsson árið 1968. „Ég rek fyrirtækið með honum föður mínum í dag og hef gert í um 25 ár. Hann er orðinn 75 ára gamall og er hvergi nærri hættur,“ segir Sveinn Ragnarsson.
Bílaklæðningar sjá um alls kyns breytingar og viðbætur sem tengjast yfirbyggingu, klæðningu og breytingum á bílum. Hjá fyrirtækinu starfa um 10 manns, allir með mikla reynslu í faginu. „Við erum mikið til að þjónusta fyrirtæki með fyrirtækjabifreiðar og vinnubíla, en einnig einstaklinga. Við erum bæði með staðlaðar lausnir og vinnum að séróskum viðskiptavina okkar, allt eftir því hvað hentar hverju sinni. Flestir okkar viðskiptavina eru fastakúnnar sem koma til okkar þegar þarf að innrétta nýja bíla eða breyta eldri bílum,“ segir Sveinn.
Sérhæfðar breytingar
Ásamt því að smíða hestakerrur, húsbíla og ýmislegt fleira þá sjá Bílaklæðningar meðal annars um viðgerðir og ísetningu á sætum fyrir ýmiss konar sérhæfðar vinnubifreiðar. Þar á meðal má nefna hjólastólabifreiðar.
Þá hafa þeir verið að klæða og einangra bíla sem ætlaðir eru til kæliflutninga á matvörum. Að auki hafa þeir gert breytingar á bifreiðum fyrir iðnaðarmenn og sett upp innréttingar þannig að bílarnir verða þá eins og verkstæði á hjólum.
„Nú nýverið vorum við að breyta nýjustu Volkswagen Transporter-lögreglubílunum. Þá smíðuðum við allar innréttingarnar og sáum um ísetningu og frágang á þeim.“
Gert til að endast
Bílaklæðningar bjóða einnig upp á heitklæðningu á pöllum á öllum gerðum pallbíla og hestakerrum ásamt sendibílum og farþegabílum. „Heitklæðningin er gúmmíkennd húð sem sprautað er heitri á fleti og hefur gríðarlega viðloðun og styrkleika. Þetta efni er gríðarsterkt og endingargott og lengir líftíma á þeim flötum sem húðin er sett á svo um munar.“
Nánari upplýsingar má nálgast á bkl.is
Kársnesbraut 100, 200 Kópavogi.
Sími: 554-0040 og 554-6144
Netpóstur: bkl@bkl.is