KitchenAid hefur lengi verið einn þekktasti framleiðandi heims á sviði heimilistækja og KitchenAid hrærivélin verið eitt eftirsóknarverðasta tækið frá þeim.
KitchenAid hrærivélarnar hafa tekið nokkrum breytingum frá því sem áður var og fyrirtækið sinnt stöðugri þróun á öllum hlutum hrærivélarinnar svo hún standist væntingar nútímaneytandans.
Nýjasta lína hrærivéla frá KitchenAid eru Artisan 5KSM185 vélarnar sem ásamt því að galdra fram kökur og kræsingar á mettíma sóma sér enn betur uppi á eldhúsbekknum. Útlit hrærivélanna hefur verið uppfært ásamt aukahlutunum en vélin skartar nú glæsilegum krómuðum hnúðum, tvítóna stálskál með burstuðu stáli og fægðri stálrönd að ofan. Einnig mega nýju aukahlutirnir allir fara í uppþvottavél sem er mikið hagræði fyrir þá sem hafa hingað til þurft að vaska upp í höndunum eftir baksturinn. Nýi þeytarinn er úr ryðfríu stáli en hrærarinn og hnoðarinn krómhúðaðir. Ásamt þeim fylgir hveitibraut, 3 ltr skál og matreiðslubók á íslensku.
KitchenAid Artisan 185 hrærivélin fæst í tólf litum, þar af fjórum nýjum; Dried Rose sem er fölbleikur litur með mattri áferð, Crimson Red eða djúprauður með glansáferð, Coral sem er sanseraður appelsínubleikur litur og Azure blár, sanseraður blár litur með túrkís yfirtón. Klassísku litina vantar ekki í nýju línuna en vélina er einnig fáanleg grásanseruð, svört, svört mött/steingrá, rauð, eplarauð og kremlituð. Ásamt burstuðu vélunum sem fást í koparlit og stál.
KitchenAid hrærivélarnar eru vandaðar og endingargóðar með 5 ára ábyrgð. Á þær má kaupa fjöldann allan af skemmtilegum aukahlutum sem auðvelda handtökin í eldhúsinu svo um munar. Má þar helst nefna grænmetissneiðarann, glerskálina, hakkavélina og margt fleira sem gerir eldamennskuna að einfaldri og ánægjulegri upplifun.
KitchenAid Artisan 185 vélarnar kosta 89.990 krónur en burstuðu vélarnar 119.990 og eru fáanlegar í Raflandi.
Í heimilistækjadeild Raflands, Síðumúla 4, má skoða allt úrvalið af KitchenAid hrærivélum á glæsilegum uppstilltum KitchenAid vegg og starfsfólk þar getur svarað öllum spurningum er varða meðhöndlum og notkun KitchenAid.
Einnig má skoða KitchenAid 5KSM185 hrærivélarnar betur í vefverslun Raflands.