Heimagert hreinsiefni sem virkar
Til þess að koma í veg fyrir að niðurföll stíflist er mikilvægt að hreinsa þau reglulega og passa upp á reglulegt flæði. Auðvelt er að búa til heimagert hreinsiefni úr hráefnum sem eru til á flestum heimilum. Þetta hreinsiefni virkar sérstaklega vel á niðurföll sem eru sjaldan notuð eins og vaska og sturtur í gestabaðherbergjum.
• Blandið saman ½ bolla af matarsóda og ¼ bolla borðsalti
• Hitið 1 bolla af ediki
• Hellið matarsódanum og saltinu vel ofan í niðurfallið og svo edikinu í kjölfarið. Blandan mun mynda froðu
• Leyfið blöndunni að liggja í niðurfallinu í 15 mínútur
• Skolið í lokin með heitu vatni í að minnsta kosti 15–30 sekúndur