Hvað er skemmtilegra í fjölskylduboðunum um jólin en að fara í spurningakeppni, með glás af fjölbreyttum og skemmtilegum spurningum við höndina? Hann Gauti Eiríksson hefur sent frá sér Stóru spurningabókina sem mun án efa skemmta mörgum fjölskyldum yfir hátíðirnar og öllum sem hafa gaman af spurningaleikjum inn í ókomna framtíð.
Gauti á að baki langan feril sem spurningahöfundur. Að aðalstarfi er hann grunnskólakennari í Álftanesskóla og starfar auk þess sem leiðsögumaður og við ýmis önnur störf. Gauti hefur stjórnað stórri spurningakeppni í Álftanesskóla í rúm tíu og mörgum öðrum spurningakeppnum.
Miserfiðar spurningar
Í Stóru spurningabókinni eru margir spurningaflokkar sem ættu að höfða til flestra aldursflokka. Hver flokkur inniheldur síðan léttar, miðlungserfiðar og erfiðar spurningar. Þetta tryggir að bókin hentar öllum og hægt að keppa á mismunandi erfiðleikastigum.
Fallegar ljósmyndir prýða bókina en Gauti hefur lagt stund á ljósmyndun í mörg ár og tekið ótalmargar myndir í ferðum sínum sem leiðsögumaður.
Hér koma að lokum þrjár spurningar úr bókinni sem lesendur geta spreytt sig á: