KRYDD Veitingahús er glænýr og glæsilegur veitingastaður í Hafnarfirði sem var opnaður í maí á þessu ári. Eigendur staðarins eru þrjú hafnfirsk pör, þau Hilmar Þór Harðarson og Hulda Heiðrún Óladóttir, Signý Eiríksdóttir og Jón Tryggvason, og Geirþrúður Guttormsdóttir og Hafsteinn Hafsteinsson. „Okkur bráðlangaði að opna veitingastað hér í hjarta Hafnarfjarðar sem bæri fram góðan mat í skemmtilegu og fallegu umhverfi og dúndrandi stemningu,“ segir Hilmar. Á fáum mánuðum hefur veitingastaðurinn fest sig rækilega í sessi sem einn besti og skemmtilegasti veitingastaður Hafnarfjarðar.
Hollt í hádeginu
Í janúar ætla eigendur að bjóða upp á svokölluð Holl hádegi. „Nú er veganúar að renna í hlað og örugglega margir sem langar að borða hollari mat á nýju ári. Við ætlum að koma til móts við fólk á vinnumarkaðnum og vera með holl hádegishlaðborð þar sem fást næringarríkir hádegisréttir, flottir veganréttir og fiskur dagsins. Fólk getur skellt sér hingað í hádeginu í hollan hádegisverð og farið svo aftur í vinnu endurnært og stútfullt af vítamínum.“
Skemmtileg stemning og spennandi viðburðir
KRYDD Veitingahús er ekki bara veitingastaður heldur leggja eigendurnir upp úr því að gestir upplifi skemmtilega kvöldstund ásamt því að snæða gómsætan mat. „Við erum með skemmtilega tónlist, góða stemningin og létt andrúmsloft. Við erum dugleg að halda allskonar spennandi viðburði. Það er til dæmis „Sing along“ kvöld fyrsta föstudag hvers mánaðar. Hin landsþekkta söngkona Guðrún Árný kemur þá og syngur þekkta slagara og salurinn tekur undir. Það myndast alveg feiknagóð stemning á þessum kvöldum enda elska allir að syngja. Næsta Sing along kvöld verður 11. janúar. Einnig fáum við plötusnúða og skemmtilega gestgjafa til að rífa upp stemninguna.“ Viðburðir eru auglýstir á facebooksíðunni.
Drekkutími
Alla daga frá 16-18 er hamingjustund þar sem rautt, hvítt og danskt öl fæst á spottprís. „Einnig erum við með úrval kokteila á frábæru verði og ætlum ennfremur að gera vel við gestina og setja saman hamingjustundarseðil á kokteilum.“ Það er því um að gera að skella sér í létta hamingjustund áður en sest er að snæðingi á KRYDD Veitingahús.
Dýrindis kvöldstund
Einnig býður staðurinn upp á leikhús- eða tónleikamatseðil enda eru Bæjarbíó og Gaflaraleikhúsið staðsett í göngufjarlægð frá veitingastaðnum. „Við bjóðum upp á matseðla sem hentar þeim tímaramma sem fólk hefur. Fólk getur einnig komið hingað í tveggja rétta matseðil, skellt sér á tónleika eða í leikhús og komið svo aftur og fengið sér eftirrétt. Þá þarf ekki að gúffa í sig þriggja rétta matseðli heldur má gera aðeins meira úr kvöldstundinni.“
Matseðillinn á staðnum er að sama skapi fjölbreyttur og er hægt að fá allt frá heiðarlegum hamborgurum, hollum og góðum veganréttum upp í dýrindis steikur. „Hingað kemur afar fjölbreyttur hópur fólks, á öllum aldri enda er staðurinn fjölskylduvænn og stemningin frábær.“
Fyrirtækjaþjónusta
KRYDD Veitingahús býður einnig upp á þjónustu fyrir fyrirtæki þar sem hægt er að hádegismat handa starfsmönnum sínum og annað hvort sótt á staðinn eða fengið sent í mötuneyti. „Fólk pantar sjálft af matseðlinum, hvort sem um er að ræða hádegisveganréttina, fisk dagsins eða af hefðbundnum hádegisréttaseðli.
Hægt er að nálgast vikuveganseðilinn á facebooksíðunni.
KRYDD Veitingahús er staðsett að Strandgötu 34, Hafnarfirði
Nánari upplýsingar má nálgast á vefsíðu staðarins