fbpx
Sunnudagur 19.maí 2019

DV - Frjáls og óháður miðill

Kynning

Lespúsl Þórarins Eldjárns: Smáskammtalækningar handa leslausum

Kynning
Jóhanna María Einarsdóttir
Sunnudaginn 2. desember 2018 16:00

Þórarinn Eldjárn

Ekki missa af Helstu tíðindum dagsins í pósthólfið þitt

Lesa nánar

Það er flestum bókaunnendum ljóst að höfundarverk Þórarins Eldjárs er ekki smátt í sniðum, enda hefur komið út eftir hann fjöldinn allur af skáldsögum, smásögum, ljóðum, barnaljóðum, þýðingum og fleiru á 45 ára ferli. „Bókaútgáfunni Gullbringu er nú um stundir aðallega ætlað að endurútgefa höfundarverk mitt, gefa út ófáanlegt efni sem fólk hefur verið að spyrja um. Margt hefur komið út einu sinni og fæst hvergi lengur. Nú verð ég við ósk lesenda minna og við höfum valið smásögur, ljóð og fleira sem eiga sameiginleg umfjöllunarefni eða form og gefið út saman í bókaröð sem kallast Lespúsl,“ segir Þórarinn.

Gullbringa
Landnámur

Kápurnar á Lespúsl bókunum eru hannaðar af grafíska hönnuðinum Sigurði Oddssyni og vöktu verðskuldaða athygli á síðastliðnum Hönnunarmars. Þegar þeim er raðað rétt saman mynda kápurnar bókstaf úr stafrófinu. Fyrstu fjórar bækurnar mynda þannig bókstafinn a, og svo munu aðrir bókstafir birtast smám saman. Bækurnar eru litlar og handhægar, tilvaldar að lesa á ferðalögum, eða hvar sem er.

Gullbringa
Sonnettur

Lespúsl a samanstendur af fjórum bókum:

Vaxmyndasafnið er smásaga þar sem sögð er saga vaxmyndasafnsins sem haft var til sýnis í Þjóðminjasafninu fram undir 1970. Landnámur inniheldur þrjár smásögur sem eiga allar það sameiginlegt að fjalla um einhvers konar landnám á fremur sérstakan hátt. Sonnettur er eins og nafnið gefur til kynna ljóðabók, og þar má finna allar sonnettur Þórarins frá ýmsum tímum. Loks er Ævintýri sem geymir fjórar smásögur í ævintýrastíl.

Gullbringa
Lespúsl a

Handhægar jólagjafir

„Ég vildi gera þetta svona; gefa út margar litlar bækur sem eru auðveldar í lestri og mynda eina heild í stað stórra óhentugra doðranta. Svo eru þessi kver líka tilvalin sem jólagjafir,“ segir Þórarinn.

Gullbringa

Erlendar þýðingar

Þórarinn er staddur úti í Svíþjóð á bókmenntahátíð í Åmål þar sem hann er að kynna nýja sænska þýðingu á bók sinni Landnámur. Bókin er einnig til í þýðingu á ensku, þýsku, dönsku og frönsku. „Þýðingarnar hafa fengið bókstafinn Þ og henta vel til gjafa fyrir þá sem eiga erlenda vini hér heima eða í útlöndum og langar að kynna þeim íslenskar bókmenntir. Bækurnar passa auðveldlega í póstumslag og eru léttar þannig að það kostar ekki formúu að póstsenda þær milli heimshorna,“ segir Þórarinn.

Gullbringa
Landnámur á sænsku

Bækurnar má nálgast í öllum betri bókabúðum landsins og einnig á netinu:   https://gullbringa.is/

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Kynning
Fyrir 4 dögum

Járnskortur er algeng orsök blóðleysis meðal jarðarbúa

Járnskortur er algeng orsök blóðleysis meðal jarðarbúa
Kynning
Fyrir 5 dögum

CodeLab: Allt á milli himins og jarðar í hugbúnaði

CodeLab: Allt á milli himins og jarðar í hugbúnaði
Kynning
Fyrir 1 viku

Áman – „Allir geta búið til bjór og vín ef þeir vilja og hafa áhuga“

Áman – „Allir geta búið til bjór og vín ef þeir vilja og hafa áhuga“
Kynning
Fyrir 1 viku

„Ég mátti teljast heppinn að vera á lífi“

„Ég mátti teljast heppinn að vera á lífi“
Kynning
Fyrir 2 vikum

LED húsnúmer: Geta bjargað lífum!

LED húsnúmer: Geta bjargað lífum!
Kynning
Fyrir 2 vikum

Klifurhúsið: Innanhússklifur er frábært sport fyrir krakka og unglinga

Klifurhúsið: Innanhússklifur er frábært sport fyrir krakka og unglinga