Lífrænt beint frá bændum

Á Grensásvegi 10  lífrænn bændamarkaður sem bændunum á Akri í Laugarási reka. Verslunin er full af vörum sem eiga sér það sameiginlegt að vera lífrænar og sjálfbærar og aðaláherslan er á ferskvöru í hæsta gæðaflokki.

„Verslunin er okkar leið til þess að vera í beinum viðskiptum við neytendur,“ segir Gunnar, bóndi á Akri. „Það eru algjör forréttindi sem framleiðandi á Íslandi að geta afgreitt vöru sem maður er búinn að rækta, allt frá fræi og í hendurnar á neytendum.“

„Við erum í góðum tengslum við bændurna hér í kringum okkur, sækjum beint til þeirra það sem þeir bjóða upp á svo við getum alltaf boðið upp á vörur sem eru nýkomnar úr höndunum á þeim. Við erum það heppin að vera staðsett í nálægð við marga lífræna framleiðendur sem gerir okkur kleift að nálgast vörurnar á einfaldan hátt.“ 

Margir spennandi framleiðendur
Framleiðendur sem bjóða upp á vörurnar sínar í versluninni eru meðal annars Garðyrkjustöðin Akur, Garðyrkjustöðin Engi, Brauðhúsið, Gróðrarstöðin Hæðarendi, Skafholt, Móðir Jörð og Bio-bú. „Við erum alltaf að leita að nýjum vörum og viljum tryggja að lífrænir framleiðendur hafi stað til þess að selja sínar vörur.“

Hægt að panta vörurnar af netinu – ávextina heim
„Við bjóðum upp á áskriftarkassa sem hægt er að fá vikulega, bæði grænmetis- og ávaxtakassa eða hvort tveggja. Þetta er í boði fyrir alla og hægt er að velja sér afhendingarstað víðsvegar um Reykjavík eða fá sent um allt land. Við erum núna byrjuð að bjóða fyrirtækjum að fá sent inn á skrifstofu til sín á ásamt því að vera með gott tilboð í gangi fyrir félög og hópa í fjáröflunum.“

Bændamarkaðurinn er opinn alla virka daga milli 11 og 18:15 þar sem ferskum vörum er keyrt úr sveitinni og beint inn í búð. Boðið er upp á það besta sem er í uppskeru á hverjum tíma.

Hægt er að skoða upplýsingar um fjáraflanir hér:

https://www.baenduribaenum.is/fjaroflun

Hægt er að lesa sér til um áskriftarkassana hér:

https://www.baenduribaenum.is/askriftar-kassar