Blómlaga ilmkerti í alls konar litum eru á meðal þess sem vefverslunin Vonir.is býður upp á en þessi fallegu kerti skapa fegurð og stemningu í skammdeginu. Kertin geta hvort sem er verið hluti af jólaskreytingu eða einfaldlega lýsandi híbýlaprýði í hauströkkrinu. Þá tilheyrir líka að kveikja á reykelsi og framkalla unaðslegan og dálítið mystískan ilm en hjá Vonir.is er að finna gott úrval af reykelsum. Von er á reykelsum með jólailmi í verslunina innan tíðar.

Vonir.is er vefverslun með alls konar fallega hluti fyrir heimilið; skartgripi, ilmvörur og fleira. Þess má geta að nú stendur yfir rýmingarsala á skartgripum í versluninni og því hægt að gera mjög góð kaup.

Verslunin er í eigu Hönnu Margrétar Úlfsdóttur sem búsett er á Þórshöfn. Hún rekur fyrirtækið samhliða kennaranámi sínu við Háskólann á Akureyri en það stundar hún í fjarnámi. Staðsetning og fjarlægðir skipta því engu máli í lífi Hönnu því hún sendir varninginn úr versluninni hvert á land sem er og námið stundar hún líka í heimabyggðinni, Þórshöfn.

Gjafabréfin eru áhugaverður kostur

Fjölbreytni einkennir vefverslunina og þess vegna eru gjafabréf áhugaverður kostur. Hægt er að kaupa gjafabréf fyrir 3.000, 5.000, 10.000 og 15.000 krónur. Skýrar og góðar upplýsingar um kaup á gjafabréfum er að finna á heimasíðunni, Vonir.is.

Umhverfisvænar áherslur og Fair Trade

Umhverfisvernd og Fair Trade eru gegnumgangandi stef í öllu vöruúrvali hjá Vonir.is. Eingöngu eru seldar vörur frá aðilum með Fair Trade-vottun eða sambærilega staðfestingu. Þannig er tryggt að vörurnar séu búnar til við góð skilyrði og allt starfsfólk fær sanngjörn laun fyrir vinnu sína. Auk þess er stuðlað að umhverfisvernd með því að nota endurunnin hráefni og hráefni sem aflað er á sjálfbæran hátt.

Þess má geta að undanfarið hefur selst mikið af bambustannburstum og margnota sogrörum úr ryðfríu stáli – en þessi áhugi sprettur upp í framhaldi af plastlausum september.

Nánari upplýsingar á vonir.is og í síma 846-3237.