Cyclone V10 ryksugan er nýjasta uppfinning Dyson sem er svo öflug að fyrirtækið hefur hætt þróun á venjulegum ryksugum. Stjórnendur Dyson hafa fulla trú á því að þráðlausar, meðfærilegar ryksugur séu framtíðin og Cyclone V10 var hönnuð með það í huga að ein ryksuga geti séð um alla rykhreinsun á heimilinu.

V10 ryksugan hefur einstakan sogkraft með styrkstillingum sem auka kraftinn þegar þörf er á, til dæmis þegar erfitt er að komast að svæðinu. Sían grípur 99,97% af afar fínlegu ryki og skilar hreinna lofti út en venjulegar ryksugur.

V10 djúpryksugar teppi, rennur þægilega yfir parket og fer vel með gólfin án þess að gefa eftir í þrifnaði.

Með allt að 40% stærra rykhólfi en fyrri gerðir og hleðslustöð sem festa má á vegg sem gerir þrifin enn fljótlegri. Ryksugan er pokalaus og hljóðlát.

Rykhólfið má losa auðveldlega beint í ruslið með einum smelli, ryksugupokar heyra sögunni til og þrif og frágangur ryksugunnar er einfaldari og fljótlegri.

V10 kemst auðveldlega í alla króka og kima, er afar meðfærileg og gengur í allt að klukkustund á fullri hleðslu. Þá má taka hana í sundur og nota sem handryksugu sem hentar einstaklega vel fyrir bílinn, stiga og á húsgögn.

Cyclone V10 ryksugan fæst í Raflandi, Síðumúla 4 þar sem má skoða og prófa sýningareintak. Tvær gerðir eru í boði og felst meginmunurinn á þeim í mismunandi aukahlutapökkum sem fylgja.

Einfaldari útgáfan, Motorhead, kostar 99.990 krónur, en Absolute gerðin kostar 119.990  krónur. Absolute gerðinni fylgja sérstakur Direct Drive parkethaus með drifi ásamt litlum haus með drifi. Báðum gerðum fylgja 3 aukahlutir og hleðslustöð sem má auðveldlega festa upp á vegg svo ryksugan er aðgengileg strax og hennar er þörf.

Hér má sjá stutta kynningu frá Raflandi.