Mi Iceland er viðurkenndur dreifingaraðili á Íslandi fyrir kínverska snjalltækjaframleiðandann Xiaomi eða Mi, sem hefur skapað sér sterkan sess í tækniheiminum með áreiðanlegum tækjum á góðu verði. Fyrsti síminn frá Mi kom á markaðinn árið 2011 og aðeins þremur árum síðar var framleiðandinn orðinn sá þriðji stærsti í heiminum.
Snjallsímarnir frá Mi eru í nokkrum verðflokkum og hægt er að fá mjög góðan snjallsíma fyrir aðeins 25.000 krónur. Með slíkum síma er hægt að gera allt sem maður notar hefðbundinn snjallsíma í, rafhlaðan er endingargóð og myndavélin er sérlega góð, sem er mjög eftirsóttur kostur í snjallsímum í dag. Einn vinsælasti eiginleiki þessara síma er sá að þeir bjóða allir upp á tvö símakort og þar af leiðandi sameina þeir vinnu- og persónulega símann í einn síma.
Nýjasti síminn frá Mi Iceland er Redmi Note 5 Pro. Sá sími styður hraðhleðslu, er með tvöfalda myndavél að aftan sem skilar einstaklega skýrum myndum og hefur endingargóða rafhlöðu, sem skiptir mestu máli þegar upp er staðið.
Nýjasta flaggskipið hjá Mi Iceland er Mi Mix 2S. Sá sími er úr vinsælu Mix-línunni sem á sínum tíma var brautryðjandi í hönnun farsíma úti um allan heim þar sem skjárinn þekur nánast allan flöt símans. Síminn inniheldur svo alla nýjustu þróun á snjallsímum og má þar nefna einn hraðasta örgjörvann, 64GB innbyggt minni og 6GB vinnsluminni, hrað- og þráðlausa hleðslu og nýja og endurbætta tvöfalda myndavél.
Önnur smærri en nytsamleg vara, sérstaklega á ferðalögum í sumar, er 10.000mAh hleðslubankinn. Með þessari græju er hægt að hlaða flest snjalltæki á borð við farsíma og spjaldtölvur hvar sem er með stóru rafhlöðunni sem er innbyggð. Alveg ómissandi græja fyrir ferðalögin í sumar!
Mi Iceland er vefverslun sem sendir hvert á land sem er og er enginn sendingarkostnaður.
Nánari upplýsingar eru á heimasíðunni mii.is