fbpx
Föstudagur 19.júlí 2019  |

DV - Frjáls og óháður miðill

Orðið á götunni

Diamond Beach rokkar

Herör Freymóðs gegn klámi: „Eiga kannski að vera samfarir í skólastofunum?“

Kristinn H. Guðnason
Sunnudaginn 18. febrúar 2018 21:00

Ekki missa af Helstu tíðindum dagsins í pósthólfið þitt

Lesa nánar

Freymóður Jóhannsson var listmálari og tónskáld sem notaði gjarnan listamannsnafnið Tólfti september. Árið 1970 vakti hann töluverða athygli fyrir staðfasta baráttu sína gegn sýningum kvikmynda sem hann taldi vera klámefni, en þá var hann kominn á áttræðisaldur.

Kærði Hafnarbíó

Vixen!, brjóstamynd úr safni Russ Meyer, frá árinu 1968 var sýnd í Hafnarbíói tveimur árum síðar við litla hrifningu Freymóðs. Svo litla reyndar að hann kærði sýningarnar til ríkissaksóknara. Krafðist hann þess að sýningarnar yrðu stöðvaðar „í nafni siðmenningarinnar og íslenzkra laga.“

Eins og aðrir víðsýnismenn dæmdi Freymóður kvikmyndina ekki út frá kápunni einni heldur fór hann sjálfur í bíó. Í samtali við Morgunblaðið sagði hann myndina hafa haft viðbjóðsleg áhrif á sig og að Alþingi yrði að grípa í taumana. Kærunni var hins vegar hafnað á þeim grundvelli að kynfæri væru ekki sett fram á áberandi hátt í Vixen! Hafði Freymóður þó fengið fregnir af því að önnur kvikmynd, Ur kärlekens språk, yrði sýnd í þessu sama bíóhúsi og þar yrði enginn skortur á kynfærasýningum.

Pallborðsumræður um klám

Ur kärlekens språk, eða Táknmál ástarinnar, sem var talin hispurslaus fræðslumynd um kynlíf, fór sigurgöngu um heiminn en sýningar á henni mættu þó víða andstöðu. Til dæmis í London þar sem 30 þúsund manns mótmæltu henni á Trafalgartorgi, þar á meðal tónlistarmaðurinn Cliff Richard.

Freymóður var einn þeirra sem mótmæltu sýningum myndarinnar hér á landi hvað ákafast og sat í pallborði á borgarafundi þar sem myndin var rædd. Freymóður sagði þar að ekki væri hægt að ræða myndina á prúðmannlegan hátt. Minntist hann þess að hafa komið inn í baðhús í Pompei á Ítalíu sem var prýtt með smámyndum af samförum manna og dýra. „Þessar myndir voru gerðar á hnignunartíma Rómarveldis og sýndu hvernig var komið fyrir siðmenningunni.“ Sagði hann menningu Dana og Svía komið á þetta stig vegna klámvæðingarinnar.

Fólkið í pallborðinu hafði miklar áhyggjur af því að börn kynnu að sjá myndina og Freymóður taldi að börn undir 17 ára aldri hefðu ekkert með kynferðisfræðslu að gera yfirhöfuð, hvorki í kvikmyndahúsum né skólum. „Eiga kannski að vera samfarir í skólastofunum? Vilja þeir sem hér eru viðstaddir, rétta upp hendi, sem eru fúsir til slíks.“ Myndin var kærð líkt og Vixen! en kærunni vísað frá. Eftir þetta fékk Freymóður viðurnefnið Óðinn hinn meyfróði.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 1 klukkutíma

Klopp lætur einn leikmann tala gróflega við aðra: ,,Ég má ekki segja þetta opinberlega“

Klopp lætur einn leikmann tala gróflega við aðra: ,,Ég má ekki segja þetta opinberlega“
Fréttir
Fyrir 2 klukkutímum

Arftaki Krossins sendir út kröfur á fólk sem tengist ekki söfnuðinum: „Það er eins og það hafi verið gerð einhver keyrsla á gamalt fólk“

Arftaki Krossins sendir út kröfur á fólk sem tengist ekki söfnuðinum: „Það er eins og það hafi verið gerð einhver keyrsla á gamalt fólk“
433
Fyrir 2 klukkutímum

Wolves að kaupa framherja AC Milan

Wolves að kaupa framherja AC Milan
433
Fyrir 2 klukkutímum

Er Ronaldinho að snúa aftur?

Er Ronaldinho að snúa aftur?
433
Fyrir 2 klukkutímum
Rondon elti Benitez
433Sport
Fyrir 3 klukkutímum

Ljótasta treyja sögunnar verður ekki notuð – Sjáðu muninn

Ljótasta treyja sögunnar verður ekki notuð – Sjáðu muninn
433
Fyrir 3 klukkutímum

Er enn hjá félaginu því Liverpool vann Meistaradeildina

Er enn hjá félaginu því Liverpool vann Meistaradeildina
Pressan
Fyrir 4 klukkutímum

Kona fannst yfirgefin á norskri eyðieyju – Var skilin þar eftir í kjölfar deilna

Kona fannst yfirgefin á norskri eyðieyju – Var skilin þar eftir í kjölfar deilna
Eyjan
Fyrir 4 klukkutímum

Yfirmaður hjá Seðlabankanum fékk háan styrk frá bankanum til að stunda nám í Bandaríkjunum

Yfirmaður hjá Seðlabankanum fékk háan styrk frá bankanum til að stunda nám í Bandaríkjunum