fbpx
Föstudagur 19.júlí 2019  |

DV - Frjáls og óháður miðill

Fæðuskortur á fjöllum

Sex manns lögðu upp í gullleitarleiðangur, en aðeins einn sneri til baka

Ritstjórn DV
Sunnudaginn 11. febrúar 2018 20:00

Ekki missa af Helstu tíðindum dagsins í pósthólfið þitt

Lesa nánar

Alfred Packer hét maður frá Allegheny-sýslu í Pennsylvaníu í Bandaríkjunum. Alfred fæddist árið 1842 og varð síðar á lífsleiðinni þekktur sem hvort tveggja Alfred og Alferd. Síðara nafnið var tilkomið vegna misritaðs húðflúrs sem hann bar.

Nú Alferd þessi barðist með sambandssinnum í borgarastyrjöldinni, oft nefnd þrælastríðið, í Norður-Ameríku sem geisaði 1861–1865. Síðar gerðist Alferd gullleitarmaður og 9. febrúar, 1874, lagði hann upp í leiðangur við sjötta mann.

Hrepptu slæmt veður

Ferðafélagar Alferds voru Shannon Wilson Bell, James Humphrey, Frank „Reddy“ Miller, George „California“ Noon og Israel Swan. Þrátt fyrir viðvaranir um að vænta væri vályndra veðra settu þeir stefnuna á Klettafjöll í Colorado. Það var eins og við manninn mælt að í Klettafjöllum, nánar tiltekið á San Juan-fjallgarðinum, urðu þeir félagar að láta staðar numið vegna gríðarlegs fannfergis.

Frásögn Alferds

Áður en langt um leið fór að ganga verulega á birgðir sexmenninganna og, að eigin sögn, lagði Alferd land undir fót í von um að finna eitthvað matarkyns.

Þegar hann kom aftur til búðanna greip hann, aftur að eigin sögn, Shannon Wilson glóðvolgan þar sem hann sat að snæðingi. Uppistaða máltíðarinnar var einn af félögunum.

Þegar Shannon Wilson varð Alferds var réðst hann á Alferd með öxi. Alferd sagðist ekki hafa átt annan kost í stöðunni en að skjóta Shannon Wilson til bana.

Og þá var eftir einn

Alferd kom til byggða 16. apríl og sagði farir sínar ekki sléttar; að Shannon Wilson hefði sturlast og ráðið hinum bana. Síðar viðurkenndi hann að þegar sá elsti þeirra félaga, Israel Swan, sálaðist þá hefðu hinir, sökum slæms aðbúnaðar neyðst til að leggja hann sér til munns.

Fjórum eða fimm dögum síðar hefði James Humphrey skilið við og „var einnig etinn“. Sömu sögu var að segja af Frank Miller, sem dó af „slysförum“, banamein hans mun reyndar hafa verið skóflublað í höfuðið, og George Noon. Alferd sagðist, að lokum, hafa banað Shannon Wilson „í sjálfsvörn“.

Játning Alferds

Nú leið tíminn og var fátt frétta af Alferd karlinum. Dró heldur betur til tíðinda 5. ágúst, þetta sama ár, þegar hann viðurkenndi að hafa drepið ferðafélaga sína, alla fimm. Það gerði hann eftir að líkamsleifar félaga hans höfðu fundist og ástand þeirra stangaðist á við frásögn hans.

Sagan segir að dómarinn í máli Alferds hafi sagt: „Bölvaður sértu, Alferd Packer! Það voru sjö „dimmycrats“ (demókratar) í Hinsdale-sýslu og þú hefur etið fimm þeirra.“

Hið snarasta var Alferd stungið í steininn en tókst að sleppa og fór í felur.

Dauðadómur og náðun

Hinn 11. mars, 1883, var hulunni svipt af Alferd Packer í Cheyenne í Wyoming. Alferd, sem hafði gengið undir nafninu John Schwartze, var handtekinn fyrir morð.

Dómur féll 13. apríl og Alferd var sakfelldur og dæmdur til að hengjast „þar til þú ert dauður, dauður, dauður og megi Guð vera sálu þinni náðugur.“

Dóminum var snúið, en 8. júní fékk Alferd 40 ára fangelsisdóm. Honum var sleppt úr fangelsi 8. febrúar, 1901, og dó 23. apríl 1907.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433
Fyrir 1 klukkutíma

Klopp lætur einn leikmann tala gróflega við aðra: ,,Ég má ekki segja þetta opinberlega“

Klopp lætur einn leikmann tala gróflega við aðra: ,,Ég má ekki segja þetta opinberlega“
Fréttir
Fyrir 2 klukkutímum

Arftaki Krossins sendir út kröfur á fólk sem tengist ekki söfnuðinum: „Það er eins og það hafi verið gerð einhver keyrsla á gamalt fólk“

Arftaki Krossins sendir út kröfur á fólk sem tengist ekki söfnuðinum: „Það er eins og það hafi verið gerð einhver keyrsla á gamalt fólk“
433
Fyrir 2 klukkutímum

Wolves að kaupa framherja AC Milan

Wolves að kaupa framherja AC Milan
433
Fyrir 2 klukkutímum

Er Ronaldinho að snúa aftur?

Er Ronaldinho að snúa aftur?
433
Fyrir 2 klukkutímum
Rondon elti Benitez
433Sport
Fyrir 3 klukkutímum

Ljótasta treyja sögunnar verður ekki notuð – Sjáðu muninn

Ljótasta treyja sögunnar verður ekki notuð – Sjáðu muninn
433
Fyrir 3 klukkutímum

Er enn hjá félaginu því Liverpool vann Meistaradeildina

Er enn hjá félaginu því Liverpool vann Meistaradeildina
Pressan
Fyrir 4 klukkutímum

Kona fannst yfirgefin á norskri eyðieyju – Var skilin þar eftir í kjölfar deilna

Kona fannst yfirgefin á norskri eyðieyju – Var skilin þar eftir í kjölfar deilna
Eyjan
Fyrir 4 klukkutímum

Yfirmaður hjá Seðlabankanum fékk háan styrk frá bankanum til að stunda nám í Bandaríkjunum

Yfirmaður hjá Seðlabankanum fékk háan styrk frá bankanum til að stunda nám í Bandaríkjunum